Yohanes 11:20 - Kaili Ledo

²⁰ Niepe i Martapa naparamo i Yesus, hau ia mantomunaka Ia. I Maria nepopea ri banuana.

Yohanes 11:20 ပူးပေါင်းရင်းမြစ်များ

Matius 25:1

“Tempo Yaku makava mpo Magau, maria tona mainga bo maria tona ntanina malinga nasimbayu nte porapa hitu: Naria sapulu randaa hau mantomunaka boti langgai, simbo nanggeni poindona.

Matius 25:6

Natanga bongi naria tona nongare, ‘Ritumo boti langgai! Kamaimo kadambanaka ia!’

Yohanes 11:30

Tempo haitu, i Yesus dopa nesua rangata Betania. Ia da ri savalikuna, ri ponturo niposinggavaNa ante i Marta.

Suro-Suro 10:25

Tempo i Petrus nakava, haumo i Kornelius nantomunaka ia, bo nantaputu ri ngayo i Petrus mombasomba ia.

Suro-Suro 28:15

Sampesuvu-sampesuvu sampomparasaya ri ngata Roma nangepe kareba naparamo kami, nakavamo ira mombatomunaka kami ri ngata Potomu Apius bo ri ngata Banua Tatalu. Nosinggavapa kami ante ira, i Paulus nanguli tarima kasi ka Alatala, bo narosomo rarana.

1 Tesalonika 4:17

Naupu haitu, kita da natuvu tempo haitu, raoretaka mosanggani-nggani ante ira riara kulimu mosinggava nte i Pue Yesus ri laerava, pade matuvu mosanggani-nggani ante i Pue sampe ri kasae-saena.