Yohanes 11:15 - Kaili Ledo

¹⁵ Nadamba raraKu Yaku ledo naria hamai tempo ia namate, sabana kamatena haitu manggeni belo ka komiu ala raparasayamiu Yaku. Anumo, haumo kita mompeinta i Lazarus.”

Yohanes 11:15 ပူးပေါင်းရင်းမြစ်များ

Yohanes 11:14

Haitumo sabana i Yesus notovontoo ka ana-anaguruNa, “I Lazarus namatemo.

Yohanes 11:16

Bo i Tomas anu nidae “Ngana Rapi” nanguli ka roa-roana anaguru i Yesus, “Anumo, kita mangoseaka Ia ala kita muni mamate mosanggani-nggani ante Ia.”

Yohanes 11:4

Nangepe kareba haitu, nangulimo i Yesus, “Duana haitu dopa rapomatena. Haitu najadi ala Alatala mompopakita kuasaNa. Bo lako ri duana haitu, rasani ntona Yaku, Ana nu Alatala, nakuasa muni.”

Yohanes 12:30

Jadi nanguli i Yesus ka ira, “Tesa niepemiu pangane ledo aga mompakaroso raraKu, tapi mompakaroso raramiu.

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

2 Korintus 4:15

Pura-pura kasusa nirasai kami haitu, nanggeni belo ka komiu. Apa ane mantambai kadea ntona mombarasai pepotove nu Alatala, mantambai kadea ntona mosukuru nte Ia, sampe Ia mpuu-mpuu ratoiya bo rabila.

2 Timotius 2:10

Jadi yaku nombatidamaka mpengaya-ngaya kasusa ala mamala kutulungi tona nipelisi nu Alatala sampe ira muni mamala momparasaya i Yesus Kristus bo rapakasalama bo matuvu mabelo mosanggani-nggani nte Alatala sampe ri kasae-saena.

1 Yohanes 5:13

Yaku notulisi sura hitu ka komiu topomparasaya Ana nu Alatala, ala rasanimiu mpuu komiu matuvu mabelo sampe ri kasae-saena.