Yohanes 10:33 - Kaili Ledo

³³ Nesana toYahudi, “Ledo poviaMu nabelo sampe Iko rarempe kami vatu. Tapi sabana Iko nompandaente Alatala. Iko aga manusia biasa, tapi Iko nompakasimbayu karoMu ante Alatala!”

Yohanes 10:33 ပူးပေါင်းရင်းမြစ်များ

Yohanes 10:24

Bo nakavamo pakeni ntoYahudi nantagui Ia hamai. Nekutanamo ira, “Sampe maipia Iko mompakaingu kami? Ane Iko mpuu-mpuu Magau Topepakasalama anu nijanji nu Alatala, uli pakalanto ka kami!”

Yohanes 10:30

Yaku bo TuamaKu ledo ria posisalana, aga saito.”

Yohanes 10:32

Tapi nanguli i Yesus ka ira, “Nadeamo povia nabelo lako nte TuamaKu nipopakitaKu ka komiu. Povia umbana sampe rarempemiu vatu Yaku?”

Yohanes 19:7

Nesana toYahudi ka ia, “Nangoseaka atura-atura kami, tona hitu masipato rapatesi sabana Ia nompangaku karoNa Ana nu Alatala!”

Yohanes 5:18

Nangepe tesa i Yesus haitu, pakeni ntoYahudi nompasimbuku mpuu mangelo dala mompatesi Ia. Apa Ia ledo aga nombaliunaka atura-atura eo penonto tapi niuliNa muni Alatala TuamaNa mboto. Ivesiamo Ia nompakasimbayu karoNa ante Alatala.

Roma 13:1

Pura-pura kita kana matundu nte pomarenta sabana ledo ria pomarenta anu ledo nanggava kuasana lako nte Alatala. Pura-pura pomarenta anu naria nipakakuasa nu Alatala.

Filipi 2:6

Nau Ia nasimbayu nte Alatala, ledo nirasaiNa Ia kana mantaamaka kakuasaNa bo nturoNa nalanga haitu.