Yohanes 10:31 - Kaili Ledo

³¹ Nangepe tesaNa haitu, niala ntoYahudimo vatu raporempera i Yesus.

Yohanes 10:31 ပူးပေါင်းရင်းမြစ်များ

Matius 12:14

Tapi toFarisi pangane nompalaisi banua petupu bo nolibu mangelo dala mompatesi i Yesus.

Matius 21:35

Tapi topokarajaa talua haitu nombasaka batua nituduna, saito nibobara, saito nipatesira, bo saito nirempera ante vatu.

Matius 23:35

Haitumo sampe komiu natuvu sii-sii mombatanggu pura-pura raa ntonoa nipatesi, nompamula lako ri pompatesi i Habel anu ledo nasala, sampe pompatesi i Zakharia, ana i Berekia. Ia nipatesi ntotuamiu ri olo Banua nu Alatala bo lanta pesomba.

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 10:24

Bo nakavamo pakeni ntoYahudi nantagui Ia hamai. Nekutanamo ira, “Sampe maipia Iko mompakaingu kami? Ane Iko mpuu-mpuu Magau Topepakasalama anu nijanji nu Alatala, uli pakalanto ka kami!”

Yohanes 10:32

Tapi nanguli i Yesus ka ira, “Nadeamo povia nabelo lako nte TuamaKu nipopakitaKu ka komiu. Povia umbana sampe rarempemiu vatu Yaku?”

Yohanes 11:8

Nesana anaguruNa, “Guru, dopa nasae toYahudi hamai madota mombarempe Komiu ante vatu sampe mamate. Nuapa sabana sii-sii Komiu madota hau vai?”

Yohanes 5:18

Nangepe tesa i Yesus haitu, pakeni ntoYahudi nompasimbuku mpuu mangelo dala mompatesi Ia. Apa Ia ledo aga nombaliunaka atura-atura eo penonto tapi niuliNa muni Alatala TuamaNa mboto. Ivesiamo Ia nompakasimbayu karoNa ante Alatala.

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!