Yohanes 10:27 - Kaili Ledo

²⁷ Bimba-bimbaKu nantalingai tesaKu bo nisaniKu ira bo nioseakara Yaku.

Yohanes 10:27 ပူးပေါင်းရင်းမြစ်များ

Matius 16:24

Naupu sia pade niulikaNa ana-anaguruNa, “Isema-sema madota mangoseaka Yaku, ia kana mombakabasaka dotana mboto bo mpuu-mpuu mangoseaka Yaku. Ia kana majadi nasimbayu eva tona nanjimbuaka kayu salibna, haitumo, ia kana masadia rapandasa nau ia rapatesi sabana nangoseaka Yaku.

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 25:12

Tapi nesana boti langgai, ‘Ledo nisaniku komiu!’ ”

Matius 7:23

Tapi Kupesanaka ira, ‘Ledo nisaniKu komiu! Palaimo lako ri sii, komiu topokainggu nadaa!’ ”

Markus 10:21

Naasi mata i Yesus nangganoto tona haitu bo niuliNa, <>

Markus 8:34

Naliu haitu, nirondeNamo todea bo anaguruNa bo niulikaNa, <

Lukas 13:27

Tapi tupu nu banua haitu aga mesana ka komiu, ‘Ledo nisaniKu komiu, bo ledo nisaniKu lako ri umba komiu. Palaimo lako ri sii. Komiu pura-pura tona nadaa!’

Lukas 9:23

Naupu sia niulikaNa todea ri sia, “Isema-sema madota mangoseaka Yaku, kana rakabasakana dotana mboto. Ia kana manjimbuaka kayu salibna eo-eo. Haitumo, ia kana masadia rapandasa nau sampe rapatesi bo mpuu-mpuu mangoseaka parentaKu.

Yohanes 10:14

Yakumo hii topoevu nabelo. TuamaKu nisaniNa Yaku bo Yaku nisaniKu muni Ia. Ivesia muni nisaniKu pura-pura bimbaKu bo bimba-bimbaKu nisanira Yaku. Bo Yaku mamate ala bimba-bimbaKu mamala matuvu.

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Yohanes 10:8

Pura-pura tona nakava nokolu ka Yaku, aga topangangga bo topeago. Tapi bimba-bimba ledo nombatalingai suarara.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Yohanes 21:22

Nesana i Yesus, “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani. Tapi iko, nee menonto mangoseaka Yaku!”

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Yohanes 8:12

Naupu haitu nanguli vaimo i Yesus ka todea, “Yakumo hii reme dunia. Isema-sema mangoseaka Yaku ledo matuvu ri kalandana, tapi manggava reme anu mombadekei katuvua mabelo.”

Yohanes 8:43

Natantumo ledo nipahamiu tesaKu sabana ledo nipokonomiu mantarima pepatudukiKu.

Suro-Suro 3:23

Isema-sema ledo mangoseaka anu rauli nu nabi haitu, ia kana rataniaka lako nte todea nu Alatala bo rapatesi.’ Ulangan 18:15,18,19; Imamat 23:29

1 Korintus 8:3

Tapi isema-sema mpuu-mpuu nompotove Alatala, ia niposisani nu Alatala.

Galatia 4:9

Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Ibrani 3:7

Jadi, epemo tesa lako ri Nosa Gasa nu Alatala nanguli ivei: “Ane raepemiu suara nu Alatala eo hitu,

Pompakita 14:4

Ira haitumo nasimbayu mpo tona ledo sanggani nosampaturu ante mombine, nagasa mpuu pokainggura. Ira nangoseaka Ana Bimba ri umba-umba nikalauNa. Iramo nitoloki lako nte pura-pura manusia ri dunia bo nipatani ka Alatala bo ka Ana Bimba, nasimbayu mpo tona nombadekei asele ntalua pamulana ka Alatala.

Pompakita 3:20

Peintamo! Hitumo Yaku neangga nombatanede-nede ri vamba. Ane maria tona mangepe suaraKu bo mombabuka vamba, Yaku mesua nte ia bo mangande mosanggani-nggani ante ia.