Yohanes 10:24 - Kaili Ledo

²⁴ Bo nakavamo pakeni ntoYahudi nantagui Ia hamai. Nekutanamo ira, “Sampe maipia Iko mompakaingu kami? Ane Iko mpuu-mpuu Magau Topepakasalama anu nijanji nu Alatala, uli pakalanto ka kami!”

Yohanes 10:24 ပူးပေါင်းရင်းမြစ်များ

Matius 11:3

“Tua, Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”

Markus 8:32

Haitu pura-pura nitesaNa pakalanto ka ira. Nangepe haitu, i Petrus nompakeni i Yesus hau ri sabinggana bo niulikana, <>

Lukas 3:15

Tempo haitu todea nompekutana-tana bara i Yohanes hitumo Magau Topepakasalama nijanji nu Alatala, anu nipopeara.

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 10:31

Nangepe tesaNa haitu, niala ntoYahudimo vatu raporempera i Yesus.

Yohanes 10:33

Nesana toYahudi, “Ledo poviaMu nabelo sampe Iko rarempe kami vatu. Tapi sabana Iko nompandaente Alatala. Iko aga manusia biasa, tapi Iko nompakasimbayu karoMu ante Alatala!”

Yohanes 16:25

“Tesa niuliKu ka komiu hitu aga nijalili. Tapi makava tempona domo Kujalili ka komiu, tapi Kutovontoomo motesaki TuamaKu ka komiu.

Yohanes 8:25

Bo nekutana vaimo toYahudi, “Kakanana, isema tano Iko?” Nesana i Yesus, “Domo ria gunana Kutesa ka komiu!

Yohanes 8:53

Berimbamo? Naogepa Iko pade tuputa i Abraham? Ia bo nabi-nabi nggaulu namate puramo! Isema ntoto Iko sampe Iko nabia notesa ivesia?”

Yohanes 9:22

Tina tuamana nanguli ivesia sabana naekamo ira ka toFarisi. Apa toFarisi haitu nasintuvumo isema-sema mompangaku i Yesus Magau Topepakasalama anu nijanji nu Alatala, domo radekei metupu ri banua petupu.

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.