Yohanes 10:1 - Kaili Ledo

¹ “Pariaramo tesaKu hitu. Ane tona aga nompene vala nesua riara gimpu bo ledo nesua ri bobaa, tona haitu topangangga bo topeago.

Yohanes 10:1 ပူးပေါင်းရင်းမြစ်များ

Matius 7:15

“Komiu kana mainga nte tona nanguli karora nabi tano aga nodava. Ira nakava nte komiu netibelo rara eva bimba nanondo, tano rara ntaira nadaa mpuu eva asulaku nasoa.

Yohanes 10:7

Sabana haitu, nanguli vaimo i Yesus ka ira, “Pariaramo tesaKu hitu! Yakumo hii bobaa rapesua nu bimba hau riara gimpu.

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Roma 10:15

Bo berimba munimo tona mompatolele Kareba Belo ane dopa ria tona mombasuro ira manggeni kareba haitu? Riara Buku Gasa nitulisi ivei: <> Yesaya 52:7

Roma 16:18

Sabana, tona nokainggu ivehaitu ledo nokarajaa ka Tuputa i Kristus, tapi aga nangoseaka dotara mboto. Tona dopa nisanina belo pepatuduki nakana, nibagiura ante tesa-tesara napande bo namomi.

Titus 1:11

Tona ivehaitu kana ratagi, nee mpuu mudekei ira mompatuduki! Apa nadea pobanua ntona naingu nangepe pepatudukira anu ledo masipato. Patujura mompatuduki aga manggava doi ante akala ledo nabelo.

Ibrani 5:4

Ledo ria saitoa tona nanganggataka karona mboto majadi Pakeni nTopanggeni Pesomba, tapi ia nipelisi bo nianggataka nu Alatala, nasimbayu mpo i Harun nggaulu nipelisi bo nianggataka nu Alatala majadi Pakeni nTopanggeni Pesomba ka toYahudi.

1 Petrus 1:10

Nabi-nabi nu Alatala nggaulu nangelo pakabelo-belo ala rasanira berimba Alatala mompakasalama manusia. Nibotora belo nidekei nu Alatala ka komiu, anu nirasaimiu sii-sii. Nosa Gasa i Kristus riara ntaira nompopaisani ka ira kasusa bo kapari anu mambela ka i Kristus, bo nipopaisaniNa muni kuasa bo kaoge rakava i Kristus maliu kasusa bo kapari haitu. Tapi dopa nisani nu nabi-nabi berimba kadupa nu tesa-tesa nibotora. Haitumo sampe niparesara pakabelo-belo ala rasanira tempona bo berimba kadupana pura-pura anu nibotora haitu.

2 Petrus 2:1

Tempo nggaulu naria nabi-nabi mpodava neumba ri tatanga ntodea nu Alatala. Bo ivesia muni sii-sii, guru-guru mpodava meumba ri tatangamiu. Rakenira pepatuduki nasala anu mompakagero pomparasaya ntona, bo rasapura i Kristus Tupura anu nombakabasaka ira lako ri kuasa nu dosara. Poviara mboto sampe ira rahuku masalisa.

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.