Yohanes 1:50 - Kaili Ledo

⁵⁰ Nanguli i Yesus ka ia, “Iko nomparasaya sabana niuliKu nikitaKu iko hamai ri puna kayu ara. Tapi kana mukita kajadia nabarakapa pade kajadia haitu.”

Yohanes 1:50 ပူးပေါင်းရင်းမြစ်များ

Matius 13:12

Apa isema-sema mantarima bo mangoseaka Tesa nu Alatala, kana ratambaika pangisanina sampe rasanina mpuu patuju nu Alatala. Tapi tona ledo nadota mantarima bo mangoseaka Tesa nu Alatala, masae-sae anu sakide nisanina haitu ralelakasi lako nte ia.

Matius 21:19

Ri soso dala nikitaNa sanggayu kayu ara. Jadi hau Ia nanggaparai kayu haitu, tapi nau aga sangu vuana ledo ria nikavaNa, aga tavana bayangi. Jadi niuliNa ka kayu haitu, “Mompamula eo hitu, domo movua iko!” Bo kaliu-liu nalelemo kayu haitu.

Matius 25:29

Apa isema naria madea, kana ratambai ka ia sampe madea mpuu nte ia. Tapi isema naria aga sakide, raalasi puramo lako nte ia.

Lukas 1:45

Nabelo mpuu iko, sabana niparasayamu anu niuli nTupu ka iko mpuu-mpuu majadi.”

Lukas 7:9

Nokumaa mpuu i Yesus nangepe tesa nu balengga ntantara haitu. Jadi neili Ia bo nangulika todea nangoseaka Ia, “Natantu mpuu pomparasaya ntona hitu! Nau todea toYahudi, muli i Israel, dopa ria nikavaKu pomparasayana naroso mpo pomparasaya ntona hitu.”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 1:51

Bo niuli i Yesus ka pura-pura ira, “Pariaramo tesaKu hitu, rakitamiu langi matebuka bo malaeka-malaeka nu Alatala manau bo mompene ri ngayoKu, Ana nu Manusia.”

Yohanes 11:40

Nanguli i Yesus ka i Marta, “Nuapa niuliKu ka iko pangane? Ane muparasaya, mukita kaoge kuasa nu Alatala!”

Yohanes 20:29

Nanguli i Yesus ka i Tomas, “Iko nomparasaya sabana nikitamu Yaku. Tapi nabelopa tona nomparasaya nau ledo nikitana Yaku.”