Yohanes 1:45 - Kaili Ledo

⁴⁵ Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Yohanes 1:45 ပူးပေါင်းရင်းမြစ်များ

Matius 13:55

Apa ledo Ia haitu ana i Yusuf pande kayu? Apa ledo i Maria tinana? Bo sampesuvuNa langgai i Yakobus, i Yusuf, i Simon bo i Yudas?

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Matius 21:11

Nesana todea nantuntuni Ia, “Iamo i Yesus, nabi lako ri ngata Nazaret ri bagia Galilea!”

Markus 14:67

Nikitana i Petrus nonturo nanderu ri sia. Nikanotosina pakabelo lenje i Petrus bo niulina, <>

Markus 6:3

Apa ledo Ia aga pande kayu, ana i Maria bo tuaka i Yakobus, Yoses, Yudas bo i Simon? Bo tueiNa mombine naria muni ri tatangata ri sii!>> Jadi naduamo rarara bo nipoarara pepatudukiNa.

Lukas 18:37

Nesana tona, “I Yesus, toNazaret moliu ri sii.”

Lukas 2:4

Ivesia muni i Yusuf. Ia nalai lako ri ngata Nazaret ri bagia Galilea, hau ri ngata Betlehem ri bagia Yudea, ngata pompoanaka Magau Daud, sabana i Yusuf muli Magau Daud.

Lukas 2:48

Tina tuamaNa muni nokumaa nanggita ia ri sia. Nanguli tinaNa ka Ia, “Yesus, nakuya Iko nompovia kami ivehitu? Yaku nte tuamaMu nasesa mpuu nompaelo Iko!”

Lukas 24:27

I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Lukas 3:23

Tempo i Yesus nompamula pokarajaaNa, umuruNa nitasere talupulu mpaemo. Nangoseaka panggava ntodea, Ia ana i Yusuf, Yusuf ana i Eli;

Lukas 4:22

Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Yohanes 1:44

I Filipus haitu tona lako ri ngata Betsaida, haitumo ngata ponturo i Andreas bo i Petrus.

Yohanes 12:21

Ira nakava nangulika i Filipus, “Ane mamala, kami madota mosinggava nte i Yesus.” (I Filipus haitu tona lako ri ngata Betsaida ri bagia Galilea.)

Yohanes 14:8

Nanguli i Filipus ka i Yesus, “Pue, popakita ka kami TuamaMiu ala maosa rara kami.”

Yohanes 18:5

Nesanamo ira, “I Yesus toNazaret.” Nesanamo i Yesus, “Yakumo hii i Yesus.” I Yudas topompobalu i Yesus neangga ri sia nosanggani-nggani nte tona dea haitu.

Yohanes 18:7

Pade nekutana vaimo i Yesus, “Isema nielomiu?” Nesanamo ira, “I Yesus toNazaret.”

Yohanes 19:19

I Pilatus nantudu tantarana mompataka dopi ri kayu salib i Yesus. Nitulisi ri dopi haitu ivei: I YESUS TONAZARET, MAGAU NTOYAHUDI.

Yohanes 21:2

Bara sako-ndua anaguru i Yesus nasiromu ri sia, haitumo i Simon Petrus, i Tomas anu nidae “Ngana Rapi”, i Natanael lako ri ngata Kana ri bagia Galilea, bo randua ana i Zebedeus, bo randua anaguruNa ntanina.

Yohanes 6:42

Nosimpotesamo ira, “Bai! Ledo Ia hitu i Yesus ana i Yusuf? Nisanita pura tina tuamaNa. Berimba sampe niuliNa Ia nanau lako ri suruga?”

Yohanes 6:5

Tempo i Yesus nompeili ntiku, nikitaNa tona dea nakava nte Ia. Bo niulikaNa i Filipus, “Ri umba rakalauta mangali kandea radekei ka tona dea hitu?”

Yohanes 6:7

Nesanamo i Filipus, “Nau roatu kadeana doi salaka raalika roti, ledo magana rapakande ka tona dea hitu. Nau aga mbo sakide rabagi ka ira, ledo magana.”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Suro-Suro 22:8

Yaku nekutana, ‘Isema komiu, Tua?’ Nesana suara haitu, ‘Yakumo hii i Yesus toNazaret nipandasamu!’

Suro-Suro 26:9

Ivesia muni yaku bara ipia. Nisarumakaku kana kupasimbuku mangeva tona nomparasaya i Yesus toNazaret.

Suro-Suro 3:6

Tapi nanguli i Petrus ka ia, “Yaku ledo naria doiku, tapi anu naria nte yaku, haitumo kudekei ka iko. Ante kuasa i Yesus Kristus toNazaret, polipamo!”