Yohanes 1:39 - Kaili Ledo

³⁹ Nesana i Yesus, “Kaimo ala rasanimiu.” Tempo haitu nitasere tinti ampa nggoviana. Jadi hau mpuumo ira randua nanggita ponturo i Yesus. Bo ira nosanggani ante Ia eo haitu.

Yohanes 1:39 ပူးပေါင်းရင်းမြစ်များ

Lukas 24:29

Tapi ira nompopetaa Ia. “Mesai ri sii ante kamimo ruru, apa nanggoviamo, masolomo eo.” Jadi i Yesus nesua nosanggani ante ira hau rabanua.

Yohanes 1:38

I Yesus neili ntaliku nanggita ira nangoseaka Ia. Bo nipekutanaNa, “Nuapa nielomiu?” Nesanamo ira randua, “Rabi, ri umba ponturoMiu?” (Batuana Rabi, Guru.)

Yohanes 1:40

I Andreas saito lako ri ira randua anu nangepe tesa i Yohanes pangane, hau nioseakanamo i Yesus. I Andreas nosampesuvu nte i Simon Petrus.

Yohanes 1:46

Tapi nesanamo i Natanael, “Ah! Ledo nisarumakaku anu nabelo meumba lako ri ngata Nazaret!” Nanguli Filipus ka ia, “Kaimo. Peinta mbotomo!” Bo hau mpuumo i Natanael.

Yohanes 4:40

Jadi hau ira mosinggava nte i Yesus bo niunakara Ia mesai ri ngatara bara sakuya kasaena. Jadi nesai mpuumo i Yesus hamai rombongi kasaena.

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Pompakita 3:20

Peintamo! Hitumo Yaku neangga nombatanede-nede ri vamba. Ane maria tona mangepe suaraKu bo mombabuka vamba, Yaku mesua nte ia bo mangande mosanggani-nggani ante ia.