Yohanes 1:31 - Kaili Ledo

³¹ Yaku mboto bara ipia dopa nisaniku Ia haitu Magau Topepakasalama. Tapi patuju kakavaku mombadiu tona ante uve, ala Ia rapopaisani ka toIsrael.”

Yohanes 1:31 ပူးပေါင်းရင်းမြစ်များ

Matius 3:13

Tempo haitu nakavamo i Yesus lako ri bagia Galilea hau ri Binangga Yordan ala radiu i Yohanes.

Matius 3:6

Ira nompangaku dosara bo ira nidiuna ri Binangga Yordan tanda najeamo lako ri dosara.

Lukas 1:17

Ia majadi suro nu Alatala, naroso bo nakuasa mpo Nabi Elia nggaulu. Ia mompoposinggabelo ana-ana nte tuamara bo tona ledo nangoseaka Alatala rakenina mpanjili ri dala nakana. Pura-pura anu pangane rapoviana ala mompakasadia rara ntodea mantarima Alatala.”

Yohanes 1:30

Iamo nitesaku bara ipia tempo niuliku ka komiu kana makava saito tona ri puriku anu naogepa pade yaku, sabana dopame yaku nipoanaka, naria mamimo Ia lako ri lamba pamulana.

Yohanes 1:32

Bo naria muni tesa i Yohanes ntanina ivei: “Nikitaku Nosa Gasa nu Alatala nanau lako ri langi nolenje mpo tonji banggebodo netuu ri karoNa.

Yohanes 1:33

Tempo haitu, dopa nisaniku Ia Magau Topepakasalama. Tapi Alatala anu nantudu Yaku mombadiu tona ante uve, Iamo nanguli ka yaku bara ipia ivei: ‘Ane nukita Nosa GasaKu manau metuu ri tona saito, Ia haitumo mombadiu tona ante Nosa GasaKu.’ ”

Yohanes 1:7

I Yohanes nakava nosabi nompopaisani reme haitu, ala pura-pura manusia mamala momparasaya.

Suro-Suro 19:4

Nanguli i Paulus, “I Yohanes nombadiu tona, tandana najeamo ira lako ri dosara. Bo ia muni nompatuduki ka todea ira kana momparasaya saito tona makava maliu ia, haitumo i Yesus.”