Yohanes 1:12 - Kaili Ledo

¹² Tapi isema-sema nantarima Ia bo nomparasaya Ia, nidekeikaNa kuasa majadi ana-ana nu Alatala.

Yohanes 1:12 ပူးပေါင်းရင်းမြစ်များ

Matius 10:40

Isema-sema nantarima komiu, nitarimana muni Yaku. Bo isema-sema nantarima Yaku, nitarimana Alatala anu nombasuro Yaku.

Matius 12:21

Bo pura-pura manusia manjarumaka Ia.’ ” Yesaya 42:1-4

Matius 18:5

Bo isema-sema nantarima saito ngana kodi eva hitu sabana pomparasayana Yaku, nitarimana muni Yaku.

Yohanes 1:11

Ia nakava ri ngataNa mboto, tapi tona ri ngataNa haitu ledo nadota nantarima Ia.

Yohanes 1:7

I Yohanes nakava nosabi nompopaisani reme haitu, ala pura-pura manusia mamala momparasaya.

Yohanes 11:52

Bo ledo aga toYahudi, tapi nibotusina muni i Yesus mamate ka pura-pura ana-ana nu Alatala ntanina ri umba-umba ri dunia, ala ira rapasiromu majadi sangu.

Yohanes 2:23

Tempo i Yesus da naria ri ngata Yerusalem tempo Posusa Paskah, nadeamo tona nomparasaya Ia sabana nikitara kabaraka-kabaraka nipoviaNa.

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 3:18

Isema-sema nomparasaya Ana nu Alatala haitu ledo rahuku. Tapi isema-sema ledo nomparasaya, nihuku nu Alatalamo sabana ledo niparasayara Ana nu Alatala saito-itoNa haitu.

Suro-Suro 3:16

Jadi sampesuvu-sampesuvu, nikitamiu topunggu hitu bo nisanimiumo ia. Ia nomparasaya i Yesus, jadi i Yesus nompakaroso kadana. Nikitamiu mboto, ia nabelo mpuumo sabana pomparasayana i Yesus.

Roma 8:14

Isema-sema nikeniaka Nosa Gasa nu Alatala, iramo ana-ana nu Alatala.

Roma 8:16

Nosa Gasa nosanggani-nggani nte rarata mboto nanguli ka kita, kitamo ana-ana nu Alatala.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

Galatia 3:26

Jadi, komiu pura-pura nosangu rara nte i Yesus Kristus, komiu najadi ana-ana nu Alatala sabana komiu nomparasaya i Kristus.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Kolose 2:6

Sampesuvu-sampesuvu, nitarimamiumo i Yesus Kristus najadi Tupumiu. Jadi komiu kana batena matuvu mosangu rara ante Ia.

2 Petrus 1:4

Ivesia muni Alatala nombadekei ka kita pedekei-pedekei nijanjiNa, anu nabelo mpuu bo nelabi noguna. Ane rapaketa pedekei-pedekei haitu, domo raoseakata dota rarata nadaa ri dunia hitu anu nompakagero katuvu manusia, bo rapakuleta mompasiala inggu nu Alatala mboto.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

1 Yohanes 3:10

Hitumo posisalana ana-ana nu Alatala bo ana-ana Magau nu Seta: isema-sema ledo novia dota nu Alatala bo ledo nompotove sampesuvuna, ia ledo ana nu Alatala.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.