Yohanes 1:11 - Kaili Ledo

¹¹ Ia nakava ri ngataNa mboto, tapi tona ri ngataNa haitu ledo nadota nantarima Ia.

Yohanes 1:11 ပူးပေါင်းရင်းမြစ်များ

Matius 15:24

Nesana i Yesus, “Yaku hii aga nitudu mantulungi muli Israel, anu nasimbayu eva bimba nalipo.”

Lukas 19:14

Naupu notesa ivehaitu nalaimo ia. Tapi tona ri ngatana mboto navuu matara nte ia. Jadi nitudura topanggeni tesa hau ri ngata nakavao haitu. Nakava sumai topanggeni tesa haitu nanguli ka Magau Mbaso, ‘Kami ledo madota ana madika hitu majadi madika ri ngata kami.’

Yohanes 1:10

Tesa nu Alatala naria mamimo ri dunia, tapi nau Ia nipopale nu Alatala nompajadi dunia, manusia ri dunia ledo nadota nangisaniNa.

Yohanes 1:12

Tapi isema-sema nantarima Ia bo nomparasaya Ia, nidekeikaNa kuasa majadi ana-ana nu Alatala.

Yohanes 19:27

Bo niuliNa munimo ka anaguruNa haitu, “Reke tinamumo ia.” Jadi nompamula lako ri eo haitu, anaguru pangane nantarima tina i Yesus monturo ri banuana.

Yohanes 3:32

Ia notesaki anu nikitaNa bo niepeNa, tapi ledo nadea tona nomparasaya tesaNa haitu.

Suro-Suro 13:26

I Paulus nompapola tesana ivei: “Sampesuvu-sampesuvu muli i Abraham bo sampesuvu-sampesuvu ntanina anu natundu nte Alatala. Alatala nompakatu ka kita kareba anu mompakalanto berimba Alatala mompakasalama kita.

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Suro-Suro 21:6

Naupu nopalakana, nesavi kapalamo kami. Bo ira topekeni pangane nanjili hau ri banuara.

Roma 15:8

Toramo, i Kristus nakava ri dunia mombatulungi toYahudi, ala pojanji nu Alatala ka totuara nggaulu madupa bo rasani ntona pura-pura, tesa nu Alatala namala raparasaya.

Roma 9:1

Yaku nosangu rara ante i Kristus, jadi yaku ledo nodava. Pekiri rara ntaiku nikeniaka Nosa Gasa, bo pekiri rara ntaiku muni nanguli yaku ledo nodava. Anu kuuli hitu mpuu-mpuu nakana, ledo aga davaku:

Roma 9:5

Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.