Yakobus 5:20 - Kaili Ledo

²⁰ Tona nompakeni roana nadosa haitu manjili lako ri dalana nasala, ia mompakasalama roana haitu lako ri pehuku nu Alatala sampe ri kasae-saena, bo dosana nadea raampungi. Tabe lako nte yaku, Yakobus

Yakobus 5:20 ပူးပေါင်းရင်းမြစ်များ

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Roma 11:14

Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

1 Korintus 9:22

Ane yaku nosanggani-nggani nte tona ledo naroso pomparasayana, yaku najadi nasimbayu mpo ira ala yaku mamala mantulungi mompakaroso pomparasayara. Yaku nangoseaka mpengaya-ngaya pokainggu bo kabiasa ntona ala yaku mamala manggeni sanu ira momparasaya.

1 Timotius 4:16

Jagaimo pokainggumu bo jagai muni pepatudukimu. Iko kana matutu movia pura-pura anu nipatudukiku ka iko. Apa ane mupovia ivesia, iko mboto rapakasalama bo topangepe pepatudukimu muni rapakasalama.

Filemon 1:19

Yaku i Paulus, notulisi tesa hitu ante paleku mboto. Yaku mombabayari indana pura-pura ka iko. Kakanana iko mboto noinda nte yaku sabana lako nte yaku sampe iko nanggava katuvua nabaru.

Yakobus 1:15

Ane dota pompekirina nadaa haitu raoseakana, ia madosa. Ane ia batena movia dosa, ia mamate bo rapopogaa lako nte Alatala sampe ri kasae-saena.

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

Yakobus 5:15

Ane ira mosambaya bo mpuu-mpuu momparasaya, Tupu mompakabelo dua ntona haitu. Bo ane maria dosa nipoviana, Tupu mombaampungi ia.

Yakobus 5:19

Sampesuvu-sampesuvuku. Ane maria roamiu nasalandala lako ri pepatuduki nakana, bo maria roana manggeni ia manjili ri dala nakana, haitumo pokainggu nabelo.

1 Petrus 4:8

Tapi anu nelabi nopoko, komiu kana mpuu-mpuu mosimpotove. Apa ane kita mompotove roata, kita masadia muni mombaampungi tona ntanina.

Pompakita 20:6

Nabelo mpuu tona rapakatuvu mpanjili tempo pembangu ntomate pamulana, apa iramo todea nu Alatala. Ira ledo mambela pehuku niuli kamatea karongganina. Tapi ira majadi topanggeni pesomba ka Alatala bo ka i Kristus. Bo ira momparenta mpo magau mosanggani-nggani ante i Kristus sanjobu mpae kasaena.