Yakobus 5:16 - Kaili Ledo

¹⁶ Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

Yakobus 5:16 ပူးပေါင်းရင်းမြစ်များ

Matius 21:22

Ane komiu momparasaya Alatala, nuapa-nuapa raperapimiu riara mposambayamiu majadi mpuu.”

Matius 3:6

Ira nompangaku dosara bo ira nidiuna ri Binangga Yordan tanda najeamo lako ri dosara.

Markus 1:5

Bo nakavamo tona lako ri njumangu bagia Yudea bo lako ri ngata Yerusalem mangepe ia. Ira nompangaku dosa-dosara bo i Yohanes nombadiu ira ri Binangga Yordan, tandana najeamo ira lako ri dosara.

Lukas 9:6

Naupu sia, hau ira nompebutu ngata mompatolele Kareba Belo, bo mompakabelo tona nadua ri umba-umba.

Yohanes 9:31

Nisanita Alatala ledo nangepe posambaya ntona nadosa, tapi Ia nompetalingai posambaya ntona netupu nte Ia bo nangoseaka dotaNa. Ane tona haitu ledo lako nte Alatala, berimbamo Ia mompakabelo mataku?

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 19:18

Nadea topomparasaya i Yesus najea bo nangaku ri ngayo ntodea poviara nadaa.

Suro-Suro 8:24

Nanguli i Simon, “Ai! Tulungi posambayakamiu yaku, perapi nte i Pue ala anu niulimiu tutu ledo mambela yaku.”

Roma 3:10

Evamo nitulisi riara Buku Gasa ivei: <

Roma 5:19

I Adam ledo natundu nte Alatala. Aselena, pura-pura manusia najadi nadosa. Tapi i Yesus natundu nte Alatala. Aselena, pura-pura manusia mamala majadi manoa ri panggita nu Alatala.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

1 Tesalonika 5:17

Nee masau rara mosambaya.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

1 Tesalonika 5:25

Sampesuvu-sampesuvu, tulungi posambayaka kami.

Ibrani 11:4

Lako ri pomparasaya i Habel, pesomba nikenina ka Alatala nabelopa pade pesomba nikeni ntuakana i Kain. Lako ri pomparasayana haitu, i Habel nitarima nu Alatala mpo tona nanoa apa nalantomo pesombana nipodamba nu Alatala. Bo nau namatemo ia, da nariapa tesana bo jonjo pomparasayana.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

Ibrani 12:13

Osemo dala nalumbu ala kadamiu nakejo ledo matepakodu, tapi maroso mpanjili.

Ibrani 13:18

Sampesuvu-sampesuvu, posambayakamo kami. Nisani kami, rara ntai kami nagasa apa kami batena madota mokainggu nabelo riara mpengaya-ngaya.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

1 Yohanes 3:22

Bo nuapa-nuapa raperapita nte Ia, natantu radekeiNa ka kita, sabana kita nanturusi parenta-parentaNa bo pokaingguta nompakadamba raraNa.