Yakobus 5:15 - Kaili Ledo

¹⁵ Ane ira mosambaya bo mpuu-mpuu momparasaya, Tupu mompakabelo dua ntona haitu. Bo ane maria dosa nipoviana, Tupu mombaampungi ia.

Yakobus 5:15 ပူးပေါင်းရင်းမြစ်များ

Matius 17:20

Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

Yohanes 5:14

Naupu haitu i Yesus nosinggava nte tona haitu riara Banua nu Alatala, bo niulikaNa ka ia, “Peinta vei! Nabelomo iko. Jadi tumo mupovia dosa ala iko ledo mambela anu nadaapa vai pade duamu tutu.”

Yohanes 6:39

Bo iveimo dota nu Alatala anu nantudu Yaku, ala ledo malipo nau saitoa lako ri pura-pura tona nidekeiNa ka Yaku. Ira pura-pura kana Kupakatuvu mpanjili ri kaupu nu dunia.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

2 Korintus 4:14

Alatala nompakatuvu mpanjili i Pue Yesus lako ri kamateNa, bo nisani kami, kami muni rapakatuvuNa mpanjili nasimbayu mpo Ia. Bo niparasaya kami Ia manggeni kami ri ngayo i Pue Yesus mosanggani-nggani ante komiu.

Yakobus 1:6

Tapi ane komiu merapi nte Alatala, komiu kana mpuu-mpuu momparasaya bo nee monggai raramiu. Apa tona nonggai rarana nasimbayu mpo balumba ri tasi niburu mpoiri hau tumai.

Yakobus 5:13

Ane maria komiu nambela kasusa, ia kana mosambaya. Ane maria tona nadamba, ia kana modade mantoiya Tupu.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

Yakobus 5:20

Tona nompakeni roana nadosa haitu manjili lako ri dalana nasala, ia mompakasalama roana haitu lako ri pehuku nu Alatala sampe ri kasae-saena, bo dosana nadea raampungi. Tabe lako nte yaku, Yakobus