Yakobus 5:14 - Kaili Ledo

¹⁴ Ane maria tona nadua, ia kana mompokio topanggeni agama mosambaya ka ia. Ira kana mombagese tona nadua haitu ante lana bo mekakai nte Tupu.

Yakobus 5:14 ပူးပေါင်းရင်းမြစ်များ

Markus 16:18

Ane ira rateo nu ule atau manginu panginu naracu, ledo makuya-kuya ira. Bo radikara palera ri karo ntona nadua bo tona haitu mabelomo.>>

Markus 6:13

Bo nadea seta nipopalaira lako ri karo ntona nipesua nu seta, bo nigesera lana tona nadua bo nipakabelora.

Suro-Suro 11:30

Sintuvura haitu nipoviara mpuumo, nitudura i Barnabas bo i Saulus manggeni pedekeira haitu ka pakeni-pakeni ntopangoseaka i Yesus ri ngata Yerusalem.

Suro-Suro 14:23

Ri ngata-ngata haitu i Paulus bo i Barnabas nanganggataka pakeni ntodea topangoseaka i Yesus. Ira nopuasa bo nosambaya, nerapi i Pue mombajagai pakeni haitu, apa Iamo panjarumakara.

Suro-Suro 15:4

Nakavapa ri ngata Yerusalem, i Paulus ante roana nikadambanaka nu suro-suro, pakeni-pakeni, bo todea topomparasaya ntanina. I Paulus nombatesa ka ira pura-pura anu nipovia nu Alatala ri polipara bara ipia nanggeni Kareba Belo ka tona ledo toYahudi.

Suro-Suro 28:8

Tempo haitu, tuama i Publius kambale-mbale naturu apa nakokora bo nabunjoro. Jadi i Paulus hau nesua nte ia, nombadika palena ri karo ntotua bo nosambaya. Naliu haitu nabelomo totua.

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.

Titus 1:5

Patujuku nantudu iko maboli ri levuto Kreta ala mupasiayu anu dopa nasiayu ri situ, bo manggataka pakeni ntodea topomparasaya ri pura-pura ngata, evamo anu niuliku ka iko bara ipia.