Yakobus 4:17 - Kaili Ledo

¹⁷ Ane nisanita anu nabelo paraluu rapoviata, tapi ledo nipoviata, kita nadosa.

Yakobus 4:17 ပူးပေါင်းရင်းမြစ်များ

Yohanes 13:17

Hitupa nisanimiumo pepatuduki hitu. Jadi mabelo mpuu komiu ane raoseakamiu pepatuduki hitu.

Yohanes 15:22

Ane rapana Yaku ledo nakava bo ledo nompatuduki ka ira, tantu ira ledo rapakasala sabana dosara. Tapi nakavamo Yaku bo nipatudukimo ira. Jadi domo mamala raulira ledo nisanira pokainggura nadosa.

Yohanes 9:41

Nesana i Yesus, “Ane rapana komiu naburo mami, natantumo ledo nadosa komiu. Tapi komiu nanguli namala nekita. Haitu sampe komiu bate-batena nadosa.”

Roma 1:32

Nisanira mami parenta nu Alatala anu nanguli tona nokainggu ivesia masipato rahuku mate. Tapi nau nisanira pokainggura haitu nadaa, kana nipoviara. Bo ane maria tona ntanina mantuntuni pokainggura nadaa, nadamba rarara.

Roma 7:13

Ane ivesia, nuapa batuana? Anu nabelo nompakadaa yaku? Tantu ledo! Dosamo mai anu nompakadaa yaku! Atura agama nabelo nipake nu dosa nompakanavu yaku sampe yaku masipato rahuku mate bo rapopogaa lako nte Alatala. Atura agama nabelo haitu, nompakalanto naria dosa riara ntaiku, bo nompakalanto nadaa mpuu dosa.

2 Petrus 2:21

Aginapa ledo sanggania rasanira dala nakana, pade rasanira bo maupu sia aga rakabasakara parenta-parenta nu Alatala nipatolele ka ira.