Yakobus 4:16 - Kaili Ledo

¹⁶ Tapi ledo ivesia tesamiu. Komiu aga nalanga raramiu bo nangoe ka poviamiu mboto. Pokainggu ivehaitu nadaa!

Yakobus 4:16 ပူးပေါင်းရင်းမြစ်များ

1 Korintus 5:6

Ledo masipato malanga raramiu bo mangoe ka pokainggu ivehaitu. Ledo nisanimiu tona nokainggu nadaa namala manggeni tona ntanina movia nadaa? Tona nokainggu nadaa nasimbayu mpo ragi sakide anu namala mompopenggamba pura-pura gando.

Yakobus 3:14

Tapi ane komiu aga nasiriati, bo aga nompekirika karomiu mboto, nee rakalanga raramiu bo manguli nanoto pekirimiu. Apa inggumiu haitu nosisala ante pepatuduki nakana.

1 Yohanes 2:16

Apa pura-pura riara dunia, evamo dota rarata nadaa, anu nikitata bo nipoino rarata, bo pura-pura anu nompakalanga rarata, haitu puramo ledo nopuna lako nte Alatala tapi aga nopuna lako ri dunia nadaa.

Pompakita 18:7

Pakasadia ka ira pepandasa bo kasusa masipato nte pokainggura nompakalanga rara bo mompebasa-basa kasana karora mboto. Sabana, ira bate-batena notesa riara ntaira ivei: ‘Yaku hii natuvu mpo madika. Yaku ledo timbala, bo yaku ledo ntoto mombarasai kasusa bo kapari.’