Yakobus 3:16 - Kaili Ledo

¹⁶ Ane naria tona nasiriati bo aga nompekirika karona mboto, natantu naria muni posinggarau bo mpengaya-ngaya pokainggu nadaa.

Yakobus 3:16 ပူးပေါင်းရင်းမြစ်များ

Markus 3:25

Bo ane tona sambanua ledo maria posintuvura bo aga mosipobali, ira sambanua haitu aga masimpotare.

Suro-Suro 19:29

Kagado haitu natolele sampe ri njumangu ngata Efesus. Todea nombasaka i Gayus bo i Aristarkhus, haitumo randua roa i Paulus sampolipa lako ri propinsi Makedonia. Ira niumbunjai ntodea hau nesua ri tana lapa rangata haitu.

Roma 2:8

Tapi ane tona aga nompekirika karora mboto, bo ledo nadota nangoseaka dota nu Alatala, tapi aga nangoseaka dota nu rarara nadaa, tona gahaitumo rapokarau nu Alatala bo rapambela pehuku.

1 Korintus 14:33

Apa Alatala nompokono anu natinonto. Ledo nipokonoNa nagado. Poviamo anu nabiasa nipovia ri pura-pura kasiromu ntodea topomparasaya.

1 Korintus 3:3

apa komiu da nangoseaka dota raramiu nadaa. Komiu da nasiriati bo nosipobali. Pokainggu ivehaitu nompopakita komiu da nangoseaka dota raramiu nadaa nasimbayu mpo tona ledo nosisani ante Alatala.

2 Korintus 12:20

Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

Galatia 5:20

Ira netupu nte tupu-tupu ntanina bo nombadoti tona ntanina. Ira nosipobali, nosibaga, nasiriati, nasalisa narau bo aga nangelo untu ka karora mboto. Ira nompopeumba posinggarau sampe nosinjabingga.

Yakobus 3:14

Tapi ane komiu aga nasiriati, bo aga nompekirika karomiu mboto, nee rakalanga raramiu bo manguli nanoto pekirimiu. Apa inggumiu haitu nosisala ante pepatuduki nakana.

1 Yohanes 3:12

Nee kita mompasiala inggu i Kain nangoseaka dota Magau nu Seta bo nompatesi tueina mboto. Nuapa sabana i Kain nompatesi tueina mboto? Sabana pokainggu i Kain nadaa bo ia nasiriati nanggita pokainggu ntueina nanoa.