Yakobus 2:25 - Kaili Ledo

²⁵ Ivesia muni tesa i Rahab, bajinga lako ri ngata Yerikho nggaulu. Ia nireke nanoa ri panggita nu Alatala sabana pokaingguna. I Rahab nantarima mata-mata ntoYahudi riara banuana bo nitulungina ira nalai lako ri ngata haitu moliu ri dala ntanina.

Yakobus 2:25 ပူးပေါင်းရင်းမြစ်များ

Matius 1:5

i Salmon nomulika i Boas (tinana i Rahab), i Boas nomulika i Obed (tinana i Rut), i Obed nomulika i Isai,

Matius 21:31

Nanguli i Yesus ka pakeni ntoYahudi haitu, “Jadi lako ri ngana randua haitu, isemana nangoseaka dota ntuamana?” Nesana ira, “Ngana paratamana.” Nanguli i Yesus ka ira, “Nakana pesanamiu. Tapi pariaramo tesaKu hitu, tona nadaa eva topesingara balasitee bo bajinga-bajinga mokolu majadi todea riara Poparenta nu Alatala, ledo komiu.

Suro-Suro 17:7

I Yason hitu nantarima ira ri banuana. Pura-pura ira topomparasaya nombaliunaka atura-atura nipakatantu Magau Mbaso Roma, apa niulira da nariapa magau ntanina nosanga i Yesus.”

Ibrani 11:31

Bo lako ri pomparasaya i Rahab, mombine bajinga, nitarimana nabelo mata-mata ntoIsrael riara banuana. Jadi ia ledo nipatesi nosinggani-nggani ante toYerikho anu ledo natundu nte Alatala,

Yakobus 2:18

Bara rauli ntona ivei: naria tona nanjarumaka pomparasayana. Bo naria muni tona nanjarumaka pokaingguna. Tapi kuuli ka komiu, ledo rapakulemiu mompopakita pomparasayamiu ka yaku ane ledo nabelo pokainggumiu. Tapi ante pokaingguku nabelo, rasanimiumo yaku mpuu-mpuu nomparasaya.

Yakobus 2:22

Lako rahaitu nisanita pomparasaya Nabi Abraham nasinggeni ante pokaingguna, bo pokaingguna haitu nompakalanto ia mpuu-mpuu nomparasaya.

Yakobus 2:24

Jadi sampesuvu-sampesuvu, nalantomo ka kita, tona nireke nanoa ri panggita nu Alatala sabana pomparasayana nasinggeni nte pokaingguna nabelo, ledo aga pomparasayana bayangi.