Yakobus 2:20 - Kaili Ledo

²⁰ Nadoyo mpuu komiu ane raulimiu naganamo momparasaya bayangi, ledo paraluu mokainggu nabelo! Ledo ria gunana pomparasaya ivehaitu.

Yakobus 2:20 ပူးပေါင်းရင်းမြစ်များ

Roma 1:21

Nisanira Alatala naria bo nisanira Ia masipato rabila, tapi ledo nibilara, bo ledo muni niulira tarima kasi nte Ia. Ira aga nompekirika anu ledo ria gunana. Pekirira nadoyo bo ledo nipahara anu nakana.

Roma 3:28

Apa poko nu tesa ivei: kita najadi nanoa ri panggita nu Alatala sabana pomparasayata, ledo sabana pokaingguta nangoseaka Atura agama.

Roma 9:20

Tapi sampesuvu-sampesuvu, ledo masipato kita mombasanai Alatala! Ledo masipato kura manguli ka topomandu, <>

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Galatia 6:3

Ane tona nompekiri karona nabelopa pade karo roa, tano ledo, ia aga nombabagiu karona mboto.

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.

1 Timotius 1:6

Naria bara sako-ndua tona domo nangoseaka pepatuduki haitu. Ira nasalandala lako ri pepatuduki nakana bo aga nosinjanaika anu ledo ria gunana.

Titus 1:10

Niuliku ivesia, sabana nadeamo tona nangeva pepatuduki nakana, nelabipa topanguli kita topomparasaya kana mangoseaka Atura-atura agama evamo ada suna. Ira nombabagiu tona ntanina ante tesara anu ledo ria batuana.

Yakobus 1:26

Isema-sema nanguli iamo tona naroso poagamana, bo ledo nijagaina tesana, ia nombabagiu karona mboto. Agamana ledo naria gunana.

Yakobus 2:17

Ivesia muni ante pomparasaya. Ane raulita kita nomparasaya Tupu, tano pokaingguta ledo nangoseaka dotaNa, pomparasaya ivehaitu ledo ria gunana!

Yakobus 2:26

Jadi, sampesuvu-sampesuvu, ane domo naria nosa ri karota, namatemo kita, bo domo naria gunana. Ivesia muni pomparasayata. Ane pomparasayata ledo nasinggeni ante pokainggu nabelo, pomparasayata haitu nasimbayu mpo tomate, domo naria gunana.