Yakobus 2:17 - Kaili Ledo

¹⁷ Ivesia muni ante pomparasaya. Ane raulita kita nomparasaya Tupu, tano pokaingguta ledo nangoseaka dotaNa, pomparasaya ivehaitu ledo ria gunana!

Yakobus 2:17 ပူးပေါင်းရင်းမြစ်များ

1 Korintus 13:13

Jadi pura-pura pompakule maupu tapi naria talu-ngaya anu ledo maupu-upu, haitumo pomparasaya, panjarumaka bo pepotove. Bo lako ri talu-ngaya haitu, nopokopa pepotove.

1 Korintus 13:3

Bo ane kudekei pura-pura mbara-mbaraku ka tona napakasi, bo kudekei karoku mboto rapatesi rapalabu ntona sabana pomparasayaku i Yesus, tapi ane ledo kupotove tona ntanina, pura-pura anu nidekeiku ledo ntoto naria gunana.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

Yakobus 2:14

Sampesuvu-sampesuvuku, nuapa gunana kita nanguli kita nomparasaya Tupu, tano pokaingguta ledo nangoseaka dotaNa? Mamala pomparasaya ivehaitu mompakasalama kita?

Yakobus 2:26

Jadi, sampesuvu-sampesuvu, ane domo naria nosa ri karota, namatemo kita, bo domo naria gunana. Ivesia muni pomparasayata. Ane pomparasayata ledo nasinggeni ante pokainggu nabelo, pomparasayata haitu nasimbayu mpo tomate, domo naria gunana.