Yakobus 2:13 - Kaili Ledo13 Isema-sema ledo naasi matana nanggita roana, Alatala ledo maasi mataNa manggita ia. Ane tona naasi matana nanggita roana, ledo paraluu ia maeka apa ia ledo rahuku nu Alatala. အခန်းကိုကြည့်ပါ။ |
Tona naria noto pompekirina anu nopuna lako nte Alatala, iamo tona nagasa rarana, ledo ria pokaingguna nadaa. Ia natuvu nosinggabelo ante tona ntanina bo nalusu rarana. Ia ledo nasombo tapi nasadia nantarima tesa lako nte tona ntanina. Naasi mpuu matana nanggita roana napakasi, bo nadea poviana nabelo. Ia ledo nompelenje, bo nanoa rarana.