Yakobus 1:19 - Kaili Ledo

¹⁹ Sampesuvu-sampesuvu nipotoveku, pariaramo pakabelo-belo tesaku hitu. Kita kana masadia mangepe, tapi nee kaliu-liu motesa, bo nee masalisa marau.

Yakobus 1:19 ပူးပေါင်းရင်းမြစ်များ

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Markus 12:37

Magau Daud mboto nanguli Magau Topepakasalama haitu Puena, jadi berimba sampe rauli Ia muli Magau Daud?>> Nadamba mpuu todea nangepe i Yesus nompaguru ira.

Markus 2:2

Nangepe haitu, nadeamo tona nakava nasiromu ri banua haitu sampe domo nasuka, nau ri ngayo vamba domo ria ponturo. Ri sia i Yesus nompatolele Tesa nu Alatala ka ira.

Lukas 15:1

Naria sanggani nadea topesingara balasitee ante tona ntanina, anu niuli ntodea nadaa pokainggura, nakava nangepe tesa i Yesus.

Lukas 19:48

Tapi ledo nikavara dala mompatesi Ia, sabana pura-pura todea nadamba gagamo nangepe tesaNa.

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Suro-Suro 13:48

Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Suro-Suro 17:11

Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Suro-Suro 2:42

Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Efesus 4:26

Ane marau komiu, nee sampe rau raramiu mompakanavu komiu riara dosa. Nee mombaboli rau rara sampe masolo eo,

Efesus 4:31

Pakalipomo pura-pura dua rara. Nee magigi rara bo nee momboli rau rara. Nee mosipongare-ngare mosipakadaaka tesa bo nee mositunturaka. Nee mavuu matamiu nte roa.

Kolose 3:15

I Kristus nompoposinggabelo kita. Jadi nee rapoviata anu mombagerosi posinggabelo haitu, sabana kita nipokio nu Alatala ala kita pura-pura matuvu mosinggabelo mpo sipa-sipa nu karo sangu. Bo nee menonto motarima kasi nte Alatala.

Kolose 3:8

Tapi sii-sii kabasakamo pura-pura pokainggu nadaa. Nee marau, nee monasu, nee mompakadaa roa, nee metunturaka, bo nee sampe maria tesa-tesa nasuloka mesuvu lako ri sumbamiu.

1 Tesalonika 2:13

Naria sangayapa ntanina sampe kami nasaro notarima kasi nte Alatala. Sabana, tempo komiu nantarima Tesa nu Alatala nipatolele kami ka komiu, ledo nirekemiu aga tesa nu manusia. Tesa haitu nitarimamiu mpo tesa lako nte Alatala mboto. Bo tesa haitu mpuu-mpuu tesa nu Alatala anu nokarajaa riara nggatuvumiu topomparasaya i Kristus.

Yakobus 1:16

Sampesuvu-sampesuvu nipotoveku, nee rabagiu! Alatala ledo nompesori kita movia anu nadaa.

Yakobus 1:2

Sampesuvu-sampesuvu, ane komiu mambela mpengaya kasusa bo pesori, kana madamba raramiu.

Yakobus 1:26

Isema-sema nanguli iamo tona naroso poagamana, bo ledo nijagaina tesana, ia nombabagiu karona mboto. Agamana ledo naria gunana.

Yakobus 2:1

Sampesuvu-sampesuvuku, komiu nomparasaya i Yesus Kristus, Tuputa nakuasa, jadi nee aga mompelenje.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Yakobus 3:10

Lako ri sumba nesuvu posukuru bo tesa-tesa pepindasi. Sampesuvu-sampesuvuku, ledo masipato dilata mombasovadaka singgani-nggani anu nabelo bo anu nadaa.

Yakobus 4:11

Sampesuvu-sampesuvu, nee mosisalai. Isema-sema nanjalai bo nompakasala roana sampomparasaya, ia nanjalai bo nompakasala atura nu Alatala. Ane komiu mompakasala atura nu Alatala, natantumo komiu ledo topangoseaka atura, tapi topotangara atura haitu.

Yakobus 5:12

Sampesuvu-sampesuvu, paraluu mpuu rapariaramiu hitu: nee mompakaroso tesa ante sumpa. Nee mosumpa manggasangai langi bara tana bara nuapa-nuapa ntanina. Ane patujumiu manguli iyo, naganamo raulimiu “iyo”. Ane patujumiu manguli ledo, naganamo raulimiu “ledo”. Nee mosumpa ala komiu ledo rahuku nu Alatala.

Yakobus 5:19

Sampesuvu-sampesuvuku. Ane maria roamiu nasalandala lako ri pepatuduki nakana, bo maria roana manggeni ia manjili ri dala nakana, haitumo pokainggu nabelo.

1 Yohanes 2:21

Yaku notulisi sura hitu ka komiu ledo sabana ledo nisanimiu pepatuduki nakana. Nisanimiumo pepatuduki nakana. Bo nisanimiu munimo ledo naria dava riara pepatuduki nakana.