Yakobus 1:18 - Kaili Ledo

¹⁸ Lako ri dotaNa mboto Ia nompajadi kita majadi ana-anaNa ala kita maogepa pade pura-pura anu ntanina nipajadiNa bo rapatani ka Ia mboto. Kita najadi ana-anaNa sabana kita nompariara tesaNa nakana.

Yakobus 1:18 ပူးပေါင်းရင်းမြစ်များ

Yohanes 1:13

Ira najadi ana-ana nu Alatala ledo sabana nipoanaka ntotuara, atau lako ri dota manusia bara dota ntuamara. Tapi sabana Alatala mboto nompajadi ira anaNa.

Roma 4:17

Riara Buku Gasa tesa nu Alatala ka i Abraham nitulisi ivei: <> Bo i Abraham nomparasaya tesaNa. Alatalamo nakuasa nompakatuvu tomate, bo nipakuleNa nombasovadaka tesaNa nanggasangai anu dopa naria, najadi naria.

1 Korintus 4:15

Apa nau nonjobu-njobu guru nompatuduki komiu mangoseaka i Kristus, ledo naria najadi tuamamiu. Aga yakumo najadi mpo tuamamiu sabana yaku anu paratama nanggeni Kareba Belo ka komiu bara ipia.

2 Korintus 6:7

Nalantomo kami batua nu Alatala sabana kami nompatolele pepatuduki nakana, bo kuasa nu Alatala nikita riara nggatuvu kami. Kami batena nokainggu nanoa. Bo pokainggu nanoa haitumo najadi pareva posieva kami, apa ane nanoa pokainggu kami, kami mamala mangeva bali kami bo kami mamala manjaliku karo kami lako ri peeva nu bali.

Efesus 1:12

Haitu sampe kami toYahudi anu nokolu nanjarumaka i Kristus masipato mantoiya Alatala sabana kaogeNa anu nipokumaaka!

Efesus 1:13

Bo ivesia muni komiu. Komiu najadi todea nu Alatala tempo niepemiu bo niparasayamiu pepatuduki nakana, haitumo Kareba Belo anu nompopaisani ka komiu, komiu mamala rapakasalama. Komiu nomparasaya i Yesus, jadi Alatala nombadekei Nosa GasaNa ka komiu anu nijanjiNa nggaulu. Nosa Gasa haitu tandana komiu mpuu-mpuu todea nu Alatala.

2 Timotius 2:15

Tapi iko kana mompasimbuku mpuu-mpuu mokarajaa mabelo ala madamba rara nu Alatala bo rarekeNa iko masipato mokarajaa ka Ia. Pasimbukumo ala ledo maeya matamu manggita pokarajaamu tapi mupatuduki tesa nakana lako nte Alatala ante kakana-kanana.

Ibrani 12:23

Bo komiu nantingayo todea topomparasaya Alatala. Ira nireke ana-ana lumbua nu Alatala bo sanga-sangara nitulisi riara buku nu Alatala ri suruga. Komiu nantingayo Alatala, Topotangara pura-pura manusia. Bo komiu nantingayo nyawa-nyawa ntona nanoa anu namatemo, anu najadi nagasa.

Yakobus 1:15

Ane dota pompekirina nadaa haitu raoseakana, ia madosa. Ane ia batena movia dosa, ia mamate bo rapopogaa lako nte Alatala sampe ri kasae-saena.

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

Yakobus 3:14

Tapi ane komiu aga nasiriati, bo aga nompekirika karomiu mboto, nee rakalanga raramiu bo manguli nanoto pekirimiu. Apa inggumiu haitu nosisala ante pepatuduki nakana.

1 Petrus 1:23

Apa komiu nipajadi nu Alatala manusia nabaru, bo katuvumiu nabaru haitu ledo nopuna lako ri manusia anu mamate. Katuvumiu nabaru nopuna lako nte Alatala anu ledo mamate. Komiu nanggava katuvu nabaru haitu sabana komiu nomparasaya Tesa nu Alatala anu natuvu bo naroo sampe ri kasae-saena.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.

1 Yohanes 3:9

Tona najadi ana-ana nu Alatala domo batena novia dosa, sabana ana-ana nu Alatala kana manjava inggu nTuamara. Domo mamala ira batena movia dosa sabana ira najadi ana-ana nu Alatalamo.

Pompakita 14:4

Ira haitumo nasimbayu mpo tona ledo sanggani nosampaturu ante mombine, nagasa mpuu pokainggura. Ira nangoseaka Ana Bimba ri umba-umba nikalauNa. Iramo nitoloki lako nte pura-pura manusia ri dunia bo nipatani ka Alatala bo ka Ana Bimba, nasimbayu mpo tona nombadekei asele ntalua pamulana ka Alatala.