Yakobus 1:14 - Kaili Ledo

¹⁴ Pura-pura tona nipesori movia anu nadaa tempo ia nitaja bo nikeni dota pompekirina mboto anu nadaa.

Yakobus 1:14 ပူးပေါင်းရင်းမြစ်များ

Matius 15:18

Tapi tesa nadaa anu neumba lako riara ntai bo lako ri sumba, haitumo anu nompakaruto manusia ri panggita nu Alatala.

Matius 15:20

Pokainggu haitumo nompakaruto manusia ri panggita nu Alatala. Tapi nangande ante ledo memanjo ntani ruru, haitu ledo nompakaruto tona ri panggita nu Alatala.”

Matius 4:1

11Naupu haitu i Yesus nikeni Nosa Gasa nu Alatala hau nantende ri karava bai ala rapesori Magau nu Seta.

Matius 5:28

Tapi Kuuli ka komiu, isema-sema mombalele mata manggita mombine bo madota mompogau ia, natantu tona haitu nireke nombabualoni mombine haitu riara pekirina.

Roma 7:11

Nisanikupa Atura agama, dosa nanggava loga mombabagiu yaku. Namala raulita: lako ri Atura agama, dosa nompakanavu yaku sampe yaku masipato rahuku mate bo rapopogaa lako nte Alatala.

Roma 7:13

Ane ivesia, nuapa batuana? Anu nabelo nompakadaa yaku? Tantu ledo! Dosamo mai anu nompakadaa yaku! Atura agama nabelo nipake nu dosa nompakanavu yaku sampe yaku masipato rahuku mate bo rapopogaa lako nte Alatala. Atura agama nabelo haitu, nompakalanto naria dosa riara ntaiku, bo nompakalanto nadaa mpuu dosa.

Efesus 4:22

Haitumo, komiu nipatuduki mombakabasaka katuvu njaemiu ante pokainggu nituntunimiu tempo komiu dopa nomparasaya i Yesus. Dota rara nadaa nituntunimiu tempo haitu nombabagiu komiu bo nompakagero katuvumiu.

Ibrani 3:13

Tapi eo-eo komiu kana mosipakaroso rara ala ledo maria komiu rabagiu nu dosa sampe bagamiu majadi makaa. Posipakaroso raramiu ane komiu da natuvu ri tempo niuli ri Buku Gasa “eo hitu”, batuana, kamba da naria loga.

Yakobus 1:13

Ane kita rapesori movia anu nadaa, nee raulita pesori haitu nakava lako nte Alatala. Haitu ledo nakana, apa Alatala ledo mamala rapesori movia anu nadaa, bo ledo muni Ia mompesori kita movia anu nadaa.

Yakobus 1:15

Ane dota pompekirina nadaa haitu raoseakana, ia madosa. Ane ia batena movia dosa, ia mamate bo rapopogaa lako nte Alatala sampe ri kasae-saena.