Titus 3:6 - Kaili Ledo

⁶ Alatala nantudu i Yesus Kristus, Topompakasalama kita, mompopanau Nosa Gasa ka kita ante kajoi nu raraNa.

Titus 3:6 ပူးပေါင်းရင်းမြစ်များ

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 4:10

Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”

Yohanes 7:37

Ri eo kaupuna, eo matana posusa haitu, i Yesus neangga ri doyata Banua nu Alatala bo notesa ante suara namangga, “Isema-sema nabai tambolona, kamaimo nte Yaku bo manginu.

Suro-Suro 10:45

ToYahudi anu nomparasaya i Yesus, anu nantuntuni i Petrus lako ri Yope, ira pura-pura nokumaa sabana Nosa Gasa nipopanau muni ka tona ledo toYahudi.

Suro-Suro 2:33

Ia nianggataka nu Alatala bo nipoponturo ri ponturo nibila ri sabingga nggana nu Alatala ri suruga. Bo nitarimaNa Nosa Gasa nijanji nTuamaNa, Alatala. Jadi sampesuvu-sampesuvu, pangane nikitamiu bo niepemiu kami notesa nte mpengaya basa. Haitu najadi sabana kuasa Nosa Gasa anu nipopanau i Yesus ka kami.

Roma 2:4

Alatala mpuu-mpuu nabelo raraNa, Ia nosabara, bo ledo nasalisa nombahuku dosa-dosamiu. Tapi nipandaentemiu kabelo raraNa. Ledo nisanimiu? Alatala nabelo nte komiu sabana Ia madota komiu majea lako ri dosamiu.

Roma 5:5

Ane kita manjarumaka Alatala, ledo masoa bukuta. Nisanita Ia mpuu-mpuu mompakadupa pura-pura pojanjiNa, sabana nirasaita tove nu Alatala riara ntaita lako ri pokarajaa nu Nosa Gasa anu nidekei nu Alatala ka kita.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Efesus 4:2

Komiu kana matuvu ante ede rara. Komiu kana malusu raramiu, bo kana mandoe posabaramiu. Nee makodi raramiu nte roa, tapi positulungimo sabana tovemiu.

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

Titus 1:4

Titus, iko mpuu-mpuu mpo anaku mboto, apa kita sampomparasaya. Kuperapi Tuamata Alatala bo i Yesus Kristus, Topompakasalama kita, mombadekei belo bo katinonto ka iko.