Titus 3:4 - Kaili Ledo

⁴ Tapi nau kita nokainggu nadaa bara ipia, Alatala nompotove kita bo nipopakitaNa kabelo raraNa tempo nipakasalamaNa kita lako ri dosata.

Titus 3:4 ပူးပေါင်းရင်းမြစ်များ

Lukas 1:47

bo nadamba mpuu raraku, sabana Alatalamo Magau nompakasalama yaku.

Roma 2:4

Alatala mpuu-mpuu nabelo raraNa, Ia nosabara, bo ledo nasalisa nombahuku dosa-dosamiu. Tapi nipandaentemiu kabelo raraNa. Ledo nisanimiu? Alatala nabelo nte komiu sabana Ia madota komiu majea lako ri dosamiu.

1 Timotius 1:1

Timotius nipotoveku; iko mpuu-mpuu nirekeku anaku mboto sabana kita sampomparasaya: Sura hitu lako nte yaku Paulus, suro i Yesus Kristus. Yaku najadi suroNa nangoseaka parenta nu Alatala anu nompakasalama kita, bo nangoseaka parenta i Yesus Kristus anu nisarumakata. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

1 Timotius 2:3

Nabelo ane kita mosambaya ivesia, bo nipokono nu Alatala Topompakasalama kita.

1 Timotius 4:10

Haitu sampe kita nompasimbuku mokarajaa ntamo mompatuduki pepatuduki nakana, sabana kita nanjarumaka Alatala anu Natuvu sampe ri kasae-saena. Iamo nompakule nompakasalama pura-pura manusia, nelabipa tona nomparasaya Ia.

2 Timotius 1:10

Bo sii-sii nakavamo i Yesus Kristus topompakasalama kita bo nikitata kambaso pepotove nu Alatala ka kita. Lako ri Kareba Belo nisanita i Kristus nombadagi kuasa kamate, bo nombadekei katuvua nabelo anu ledo maupu-upu.

Titus 1:3

Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

Ibrani 9:26

Apa ane rapana mpenggani-nggani Ia mesua, batuana mpenggani-nggani muni Ia kana mombarasai kasusa bo kapari nompamula lako ri lamba pamulana. Tapi kakanana, ri tempo sii-sii anu napara kaupu dunia Ia nakava aga sanggani nompakalali dosata ante nombadekei karoNa mboto nipatesi.

1 Petrus 2:3

Komiu kana maino ka Tesa nu Alatala, apa nirasaimiu mamimo kabelo rara i Pue.