Titus 3:3 - Kaili Ledo

³ Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

Titus 3:3 ပူးပေါင်းရင်းမြစ်များ

Matius 21:29

Bo nesana ana lumbua, ‘Ledo yaku hau!’ Tapi naliu haitu nanjoso raramo ia bo kana hau mpuumo ia nokarajaa ri talua.

Lukas 21:8

Nesana i Yesus, “Pakabelo-belo! Nee sampe komiu rabagiu. Madea ngena tona makava mompobalu sangaKu. Raulira iramo ‘Magau Topepakasalama.’ Bo raulira muni, nakavamo kaupu nu dunia! Tapi nee raoseakamiu tesara.

Yohanes 8:34

Nesana i Yesus ka ira, “Pariaramo tesaKu hitu. Isema-sema novia dosa, iamo nipobatua nu dosa.

Roma 11:30

Bara ipia komiu tona ledo toYahudi ledo natundu nte Alatala. Tapi sii-sii komiu nipoasiNa bo niampungiNa sabana pesapuaka ntoYahudi.

Roma 6:12

Jadi nee rapalamba dosa mombakuasai katuvumiu ri dunia hitu, ala komiu ledo mangoseaka dota raramiu anu nadaa.

Roma 6:17

Bara ipia, dopame niparasayamiu i Yesus, komiu najadi batua nu dosa. Tapi nosukuru mpuu nte Alatala! Sii-sii komiu mpuu-mpuu nangoseaka pepatuduki nakana anu nipatolele ka komiu.

Roma 6:22

Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

Roma 6:6

Nisanita katuvuta nokolu nireke namate nosanggani-nggani ante i Kristus ri kayu salib, ala kuasa nu dosa riara nggatuvuta rapakaropu, bo kita domo rakuasai nu dosa.

2 Korintus 12:20

Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

Galatia 6:3

Ane tona nompekiri karona nabelopa pade karo roa, tano ledo, ia aga nombabagiu karona mboto.

Kolose 1:21

Bara ipia komiu muni natuvu nantubengosi Alatala. Komiu nangeva Alatala sabana pekirimiu bo pokainggumiu nadaa.

Kolose 3:7

Bara ipia komiu muni da nokainggu ivehaitu, tempo komiu da nikuasai dota raramiu nadaa.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

2 Timotius 3:6

Sanu ira nanggeni pepatuduki ledo nakana hau ri banua ntona, bo niopara mombine-mombine nadoyo anu nadea dosara bo nikuasai mpengaya dota rara nadaa.

Titus 1:16

Pangulira ira nosisani ante Alatala, tapi pokainggura ledo nosinggambela nte tesara. Pokainggura aga nompakarunggu rara nu Alatala, bo ira ledo nadota natundu nte Alatala. Ledo nipakulera nokainggu nabelo.

Titus 2:12

Lako ri kabelo raraNa, kita nipatudukiNa mombakabasaka pokaingguta ledo nipokonoNa bo dota nu rarata nadaa. Bo kita nipatudukiNa majadi manoto, manoa, bo matuvu mangoseaka dotaNa ri dunia sii-sii.

Yakobus 1:26

Isema-sema nanguli iamo tona naroso poagamana, bo ledo nijagaina tesana, ia nombabagiu karona mboto. Agamana ledo naria gunana.

1 Petrus 1:14

Komiu kana matuvu mpo ana-ana nu Alatala anu natundu nte Ia. Nee mangoseaka dota raramiu nadaa anu nombakuasai komiu tempo komiu da natuvu ri kalandana.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:14

Nipoviana tanda-tanda haitu ante kuasa nidekei nu binata pamulana ka ia ala mombabagiu tona nonturo ri dunia. Nituduna ira movia bo mompopeangga sangu pinoito nambaso nolenje mpo binata pamulana, anu nitimbe pakaoga tapi ledo namate.

Pompakita 18:2

Nongaremo ia ante suara namangga, “Nageromo! Nageromo ngata mbaso Babel! Nompamula sii-sii ngata haitu majadi ponturo nu seta-seta, bo ponturo mpengaya-ngaya anu nadaa, bo ponturo mpengaya tonji naruto anu nipovuu mata nu manusia.