Titus 3:14 - Kaili Ledo

¹⁴ Sampesuvuta sampomparasaya kana masaro movia anu nabelo, ala mamala mombatulungi tona napepa. Nee sampe katuvura ledo maria gunana.

Titus 3:14 ပူးပေါင်းရင်းမြစ်များ

Matius 21:19

Ri soso dala nikitaNa sanggayu kayu ara. Jadi hau Ia nanggaparai kayu haitu, tapi nau aga sangu vuana ledo ria nikavaNa, aga tavana bayangi. Jadi niuliNa ka kayu haitu, “Mompamula eo hitu, domo movua iko!” Bo kaliu-liu nalelemo kayu haitu.

Matius 7:19

Pura-pura kayu ledo nabelo vuana kana ratovo bo ratedeaka riara apu.

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 15:8

Ane komiu movua madea, natantu komiu mpuu-mpuu anaguruKu. Bo poviamiu haitu mompopakita kaoge nTuamaKu ka tona.

Suro-Suro 18:3

bo nonturo nte ira sabana popaelo i Paulus nasimbayu ante popaelora, haitumo novia tenda. Ira tatalu nokarajaa nosinggani-nggani.

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Roma 12:13

Tulungimo roa sampomparasaya anu napepa, bo tarimamo torata riara banuamiu.

Roma 15:28

Jadi yaku hau ri ngata Yerusalem ntani ruru manggeni doi petulungi anu nipasiromu ka topomparasaya hamai. Maupu kudekei doi haitu ka ira ri Yerusalem, pade mesai ri ngatamiu kupoliu hau ri tana Spanyol.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Filipi 4:16

Ledo aga haitu, tempo yaku da ri Makedonia ri ngata Tesalonika bo naria paraluuku, ledo aga sanggani komiu nompakatu pedekei ka yaku.

Filipi 4:17

Yaku ledo aga madota mantarima pedekeimiu. Tapi yaku madota ala belo ratambai ka komiu lako ri poviamiu nabelo haitu.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

1 Tesalonika 2:9

Sampesuvu-sampesuvu, natantu da nitoramiu pompasimbuku kami bo kasusa kami bara ipia. Eo bongi kami nompasimbuku nokarajaa nompaelo mboto ala komiu ledo masesa mompekirika katuvu kami tempo nompatolele Kareba Belo nu Alatala ka komiu.

2 Tesalonika 3:8

Kami ledo nangande kandea anu ledo nibayari kami. Tapi bara eona bara bongina, kami nokarajaa ntamo ala ledo mompakasesa komiu.

Titus 2:8

Pakemo tesa-tesa nakana bo masipato, anu ledo mamala rasalai ntona. Ane mupatuduki ivesia, tona nangeva kita maeya matara, apa pura-pura anu niulimu nabelo. Ledo maria nuapa-nuapa nadaa anu namala rasalaira ka kita.

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.

2 Petrus 1:8

Ane komiu noinggu ivehaitu bo mantambaipa, posisanimiu ante Tuputa Yesus Kristus mpuu-mpuu maria gunana, bo maria asele mabelo riara nggatuvumiu.