Titus 3:13 - Kaili Ledo

¹³ Pasimbukumo mantulungi i Zenas, guru agama, bo i Apolos, ala ira mamala mompapola polipara bo ledo makura nuapa-nuapa.

Titus 3:13 ပူးပေါင်းရင်းမြစ်များ

Matius 22:35

Bo saito ira guru agama nompasimbuku mombaopa tesa i Yesus. Nipekutanana ivei:

Lukas 10:25

Naria saito guru agama ntoYahudi neangga ri sia. Ia madota mombaopa tesa i Yesus. Jadi nekutana ia, “Guru, nuapa masipato kupovia ala yaku mamala matuvu sampe ri kasae-saena?”

Lukas 11:45

Naria saito lako ri guru-guru agama ri sia nanguli ka i Yesus, “Guru, ante tesaMiu tutu, nisalaiMiu muni kami!”

Lukas 11:52

Mandasa mpuu komiu guru-guru agama! Kakanana komiumo masipato mompatuduki tona mosisani nte Alatala. Tapi komiu mboto ledo nadota mosisani nte Alatala, bo komiu nombalava tona ntanina anu madota mosisani nte Alatala.”

Lukas 14:3

Nanggita tona haitu, nekutanamo i Yesus nte guru-guru agama bo toFarisi ri sia, “Nantuntuni atura agamata, mamala kita mompakabelo tona nadua ri eo penonto, atau ledo?”

Lukas 7:30

Tapi toFarisi ante guru-guru agama ledo nadota nantarima nia nu Alatala ka ira. Ira ledo nadota radiu i Yohanes.

Suro-Suro 15:3

Todea topomparasaya ri ngata Antiokhia nanggeni gi Paulus sampe nakava ri savaliku ngata. Lako ri ngata haitu ira noliu ri propinsi Fenisia bo bagia Samaria. Bo nitesara munimo ka topomparasaya ri sia nadea tona ledo toYahudi nombakabasaka pomparasayara nggaulu ala mangoseaka Alatala. Kareba haitu mpuu-mpuu nompakadamba rara ntopomparasaya ri sia.

Suro-Suro 18:24

Tempo haitu, naria saito toYahudi nosanga i Apolos. Ia lako ri ngata Aleksandria ri tana Mesir bo nakava ri ngata Efesus. I Apolos mai natau mpuu notesa, bo nisanina mpuu isi Buku Gasa.

Suro-Suro 19:1

Tempo i Apolos da naria ri ngata Korintus, i Paulus nompesayo ngata-ngata ri buluna ri bagia Galatia bo Frigia, sampe nakava ri ngata Efesus. Ri sia ia nosinggava ante bara sako-ndua topomparasaya i Yesus.

Suro-Suro 21:5

Tapi nagana saminggu kami nonturo ri sia, nipalaisi kamimo ira, bo nipapola kamimo polipa kami. Ira pura-pura nosanggani-nggani ante anara bo bereira nanggeni kami hau ri savaliku ngata. Nakava ri talinti, nantaputu puramo kami bo nosambaya.

Suro-Suro 28:10

Nadea hadia nidekeira ka kami, tandana pobilara kami. Bo bara sakuya kasaena naliutaka haitu tempo kami manggalivo malaimo, pura-pura anu niparaluu riara polipa kami, nikenira hau ri kapala nipesavi kami.

Roma 15:24

Jadi yaku nonia ane hau ri tana Spanyol ngena, mesai sampalai nte komiu ala kita madamba mpasanggani-nggani sampalai. Bo kusarumaka komiu mamala mombatulungi yaku mompapola polipaku hau ri tana Spanyol.

1 Korintus 16:11

Jadi nee sampe maria tona manjauru ia. Tapi tulungimo ia mompapola polipana mabelo ala ia mamala manjili nte yaku, apa yaku nompopea kakavana ri sii nosanggani-nggani ante sampesuvu-sampesuvu sampomparasaya ntanina.

1 Korintus 16:12

Ane sampesuvuta i Apolos, nadea ngganimo nituduku tou mompelioda komiu mosanggani-nggani ante topomparasaya-topomparasaya ntanina. Tapi hitu-hitu ia dopa nadota tou. Ane maria loga nabelo ntanina ngena, pade tou ia.