Titus 3:12 - Kaili Ledo

¹² Ane makava i Artemas bara i Tikhikus anu kutudu tou nte iko ri situ ri Kreta ngena, pasimbukumo mosinggava nte yaku ri ngata Nikopolis, apa niaku monturo ri ngata Nikopolis sampe maupu tempo ranindi.

Titus 3:12 ပူးပေါင်းရင်းမြစ်များ

Suro-Suro 20:4

Naria bara sako-ndua tona nomporoa i Paulus, haitumo, i Sopater ana i Pirus lako ri ngata Berea, i Aristarkhus bo i Sekundus toTesalonika, bo i Gayus lako ri ngata Derbe. Naria muni i Timotius, i Tikhikus bo i Trofimus, lako ri propinsi Asia pura.

1 Korintus 16:6

Dotaku masae sakide monturo ante komiu, bara sampe maupu tempo ranindi, ala komiu mamala mantulungi yaku riara polipaku hau ri ponturo ntanina.

Efesus 6:21

Dotaku ala rasanimiu berimba katuvuku ri sii. Jadi haitu sampe nituduku i Tikhikus tou nte komiu. Ia sampesuvuta nipotoveku anu natutu nantulungi pokarajaa nTupu.

Kolose 4:7

Sampesuvu-sampesuvu, ane makava i Tikhikus nte komiu, ratesana ka komiu pura-pura anu najadi nte yaku ri sii. Ia sampesuvuta sampomparasaya nipotoveta. Ia muni natutu nokarajaa ka Tupu bo ia roaku sampokarajaa nantulungi todea topomparasaya.

2 Timotius 4:12

Bo nituduku i Tikhikus hau ri ngata Efesus.

2 Timotius 4:21

Pasimbukumo tumai dopame tempo ranindi. Nadea tabe lako nte i Ebulus, i Pudes, i Linus bo i Klaudia, bo lako nte pura-pura sampesuvuta sampomparasaya ri sii.

2 Timotius 4:9

Pasimbukumo masalisa tumai nte yaku,