Titus 2:5 - Kaili Ledo

⁵ majadi manoto, bo ledo mogau sala, matutu mompasiayu avura mboto, majadi tobelo rara, bo mekou nte bereira mboto. Ane mombine namuda mokainggu ivesia, ledo maria tona manjalai Tesa nu Alatala.

Titus 2:5 ပူးပေါင်းရင်းမြစ်များ

Suro-Suro 9:36

Napara ngata Lida naria ngata ntanina nosanga Yope. Ri ngata Yope naria saito mombine topangoseaka i Yesus, sangana i Tabita. (Riara basa Yunani sangana i Dorkas, batuana “rusa”.) Pokaingguna nabelo, bo ia nasaro nantulungi tona napakasi.

Suro-Suro 9:39

Nangepe tesa ntona randua haitu, haumo i Petrus nantuntuni ira hau ri ngata Yope. Nakava ri sia, ia nikeni hau ri tombi ri kalangana haitu. Pura-pura timbala notumangi nantagui i Petrus bo nipopakitara ka ia baju-baju bo pakea nidau i Tabita ka ira tempo ia da natuvu.

Roma 14:16

Jadi, ane maria anu nireketa nabelo, tapi anu haitu nombabato pomparasaya nu roata, agina nee rapoviata, ala pokaingguta ledo rasalai ntona.

Roma 2:24

Riara Buku Gasa nitulisi ivei: <>

1 Korintus 11:3

Tapi hitu paraluu rasanimiu: langgai pakeni nu bereina mombine, i Kristus pakeni nu langgai, bo Alatala pakeni i Kristus.

1 Korintus 14:34

Mombine-mombine kana malino tempo todea topomparasaya masiromu. Ira ledo nipaloga motesa-tesa. Ira kana mekou mangoseaka anu nitulisi riara Atura-atura agama.

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.

Kolose 3:18

Sampesuvu-sampesuvu mombine, pekoumo nte bereimiu langgai. Haitumo masipato ka mombine anu nomparasaya i Pue Yesus.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

1 Timotius 6:1

Topomparasaya i Yesus anu najadi batua ntona kana mombabila bo matundu nte tuana ala Alatala ledo rasalai ntona bo pepatudukita nakana ledo rapakadaa ntona.

Titus 2:4

Ivesiamo ira mamala mompatuduki ngana-ngana mombine mompotove bereira bo ana-anara,