Titus 2:3 - Kaili Ledo

³ Ivesia muni ante totua-totua mombine. Patudukimo ira matuvu nte pokainggu nagasa anu masipato rapovia ntona natundu nte Alatala. Ulika ira nee mombatunturaka tona ntanina, nee sampe majadi batua ntule. Ira kana mompatuduki tona ntanina matuvu mabelo.

Titus 2:3 ပူးပေါင်းရင်းမြစ်များ

Roma 1:29

Mpengaya-ngaya pekiri nadaa bo natenggo rarara. Ledo naosa rarara ante anu naria nte ira, navau rarara, nasiriati, nepatesi, nebagiu, bo nosinggarau. Ira nomboli rau rara, nantunturaka tona

Roma 16:2

Kuperapi komiu mantarima ia sabana pomparasayana i Pue Yesus, apa ivesia mamimo kita todea nu Alatala masipato mantarima roata sampomparasaya. Ane maria anu niparaluuna, tulungimo ia, sabana ia mboto nadea tona nitulungina, yakumo hii saito.

Efesus 5:3

Komiu todea nu Alatala. Jadi ledo ntoto masipato komiu mosipogau ante tona ledo bereimiu mboto, atau mokainggu nabuga, atau mario mata bo ledo ria kabasa-basana. Nee sampe maria sabana raraika ntona komiu nokainggu ivehaitu.

1 Timotius 3:11

Ivesia muni bereina kana mombine nabelo pokaingguna, ledo topetunturaka. Bo ia muni kana matau mantaamaka dota rarana mboto bo mokainggu nanoa sampe namala raparasaya riara mpengaya-ngaya.

1 Timotius 3:8

Ivesia muni tona anu raanggataka majadi topotulungi pakeni ntodea topomparasaya. Ia kana nabelo pokaingguna bo nanoa rarana, ledo nadoko doi bo ledo muni nabiasa gaga nanginu anu nepakalangu.

1 Timotius 5:23

Tumo aga uve nggoo muinu, tapi inu muni sakide uve anggur ala mompakulisi tailikomu, apa iko nasaro nadua.

Titus 1:7

Pakeni ntopomparasaya haitu topompasiayu todea nu Alatala. Jadi ia ledo novia pokainggu rasalai ntona. Ia ledo tona nalanga pekirina bara nasalisa narau, ledo topanginu, ledo toposibaga, bo ledo muni tona nadoko doi.

Titus 2:4

Ivesiamo ira mamala mompatuduki ngana-ngana mombine mompotove bereira bo ana-anara,

Ibrani 5:12

Kakanana temponamo komiu majadi guru mompatuduki tona ntanina, sabana nasaemo komiu nomparasaya i Yesus. Tapi komiu da noparaluu guru mompatuduki ka komiu pepatuduki pamulana lako ri Tesa nu Alatala, komiu dopa nasadia nantarima pepatuduki kapolana. Komiu nasimbayu mpo ngana kodi da netomi, anu dopa nasadia mangande kandea nakaa!

Pompakita 2:20

Tapi da nariapa sangaya pokainggumiu anu ledo ntoto nipodambaKu. Haitumo mombine anu nosanga i Izebel anu nompangaku karona nabi. Komiu nompaloga ia nompatuduki bo nombabagiu topangoseaka Yaku. Ia nompatuduki ira mosipogau ante tona ledo bereira mboto bo mangande kandea nipopali sabana nipakande ka tupu-tupu ntanina.