Titus 2:15 - Kaili Ledo

¹⁵ Jadi, Titus, patudukikamo pura-pura haitu ka topomparasaya i Kristus. Ulika ira mangoseaka pepatuduki haitu, bo ane ledo raoseakara, onteakamo ira. Nee maeya matamu, apa naria mami kuasamu mompatuduki ira. Nee rapalamba tona mompandaente iko.

Titus 2:15 ပူးပေါင်းရင်းမြစ်များ

Matius 7:29

Apa Ia ledo nompaguru eva guru-guru agama. Ia nompatuduki eva tona mpuu-mpuu nakuasa.

Markus 1:22

Nokumaa mpuu tona nangepe pepatudukiNa, apa Ia ledo nompaguru mpo guru-guru agama. Ia nompaguru mpo tona nakuasa mpuu.

Markus 1:27

Nanggita haitu, nokumaa puramo todea ri sia sampe ira nosimpekutana, <>

Lukas 4:36

Nanggita kajadia pangane nokumaa puramo tona ri sia, bo notesamo ira, “Natantu mpuu tesa ntona haitu! Ante kuasaNa nipopalaiNa seta, bo nalai mpuumo!”

1 Korintus 16:11

Jadi nee sampe maria tona manjauru ia. Tapi tulungimo ia mompapola polipana mabelo ala ia mamala manjili nte yaku, apa yaku nompopea kakavana ri sii nosanggani-nggani ante sampesuvu-sampesuvu sampomparasaya ntanina.

1 Timotius 5:20

Tapi ane pakeni ntodea haitu mpuu-mpuu novia dosa, ia kana raonteaka ri ngayo ntodea ala topomparasaya ntanina maeka movia dosa.

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.

Titus 1:13

Tesa nu nabi haitu nakana mami. Haitumo sampe iko kana mombasalaraka topomparasaya ri Kreta, ala ledo raoseakara pepatuduki nasala tapi pepatuduki nakana raoseakara.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!