Titus 1:8 - Kaili Ledo

⁸ Tona raanggataka majadi pakeni ntopomparasaya kana majoi rarana mantarima torata riara banuana, bo nompokono anu nabelo. Ia kana nanoto, nanoa, bo nagasa katuvuna, bo kana rapakulena mombatidamaka dota nu rarana mboto.

Titus 1:8 ပူးပေါင်းရင်းမြစ်များ

Lukas 2:25

Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Suro-Suro 24:25

I Paulus nanguli pokaingguta kana manoa, bo kita ledo mamala mangoseaka dota rarata nadaa, apa makava Eo Potangara ngena tempo Alatala mombatangara pura-pura manusia. Nangepe tesa i Paulus, naeka mpuumo i Feliks. Nanguli ia, “Ivesiamo ruru. Ane maria loga damo kupokio pade motesa vai kita.”

1 Tesalonika 2:10

Nisanimiu mboto kagasa katuvu kami nte komiu topomparasaya i Kristus. Pokainggu kami nagasa bo nanoa, bo ledo ria nuapa-nuapa masipato rasalai. Nisanimiu bo nisani nu Alatala muni tesaku hitu nakana.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 4:12

Nee mupalamba tona mompandaente iko sabana iko da namuda. Tapi iko kana majadi jonjo ka topomparasaya riara tesamu, pokainggumu, pepotovemu ka roa, pomparasayamu nte i Pue, bo kagasa katuvumu.

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

2 Timotius 2:22

Jadi, nee mpuu mangoseaka dota-dota nu rara nadaa anu nipodamba ngana-ngana muda. Tapi pasimbukumo matuvu manoa ri panggita nu Alatala. Pakaroso pomparasayamu, potovemo singgamanusiamu, bo pasimbukumo matuvu mosinggabelo nte ira. Poviamo pura-pura haitu mosanggani-nggani nte pura-pura tona anu nekakai nte i Pue ante rara nagasa.

2 Timotius 3:3

Ledo rasanira mepotove, ledo madota mosinggabelo, bo aga mompakadaa sanga ntona ntanina rapokonora. Ledo rapakulera mantaamaka dota nu rarara mboto. Ira mpuu-mpuu masoa bo mavuu matara manggita pura-pura anu nabelo.

1 Yohanes 3:14

Ane kita nompotove sampesuvuta, nisanita kita domo rapopogaa lako nte Alatala bo nikavatamo katuvua nabelo sampe ri kasae-saena. Tapi isema-sema ledo nompotove sampesuvuna sampomparasaya, ia kana rapopogaa lako nte Alatala.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.