Titus 1:5 - Kaili Ledo

⁵ Patujuku nantudu iko maboli ri levuto Kreta ala mupasiayu anu dopa nasiayu ri situ, bo manggataka pakeni ntodea topomparasaya ri pura-pura ngata, evamo anu niuliku ka iko bara ipia.

Titus 1:5 ပူးပေါင်းရင်းမြစ်များ

Suro-Suro 11:30

Sintuvura haitu nipoviara mpuumo, nitudura i Barnabas bo i Saulus manggeni pedekeira haitu ka pakeni-pakeni ntopangoseaka i Yesus ri ngata Yerusalem.

Suro-Suro 14:23

Ri ngata-ngata haitu i Paulus bo i Barnabas nanganggataka pakeni ntodea topangoseaka i Yesus. Ira nopuasa bo nosambaya, nerapi i Pue mombajagai pakeni haitu, apa Iamo panjarumakara.

Suro-Suro 2:11

Sanu kita toYahudi bo sanu nesua agama Yahudi. Naria tona nakava lako ri levuto Kreta bo lako ri tana Arab. Kita hitu tona lako ri mpengaya basa, tapi niepeta ira nombatesa kabaraka-kabaraka nipovia nu Alatala ante basa mpengaya-ngaya!”

Suro-Suro 27:12

Pesampo Nagaya haitu ledo mami nabelo rapesampo masae ri tempo mpoiri. Sabana haitu, deanapa topesavi kapala kami nanguli, “Agina malai kita lako ri pesampo hitu bo rapasimbukuta mapola hau ri pesampo Feniks bo mesampo hamai sampe maupu tempo mpoiri.” Ngata Feniks haitu pesampo ri levuto Kreta anu natelendu lako ri poiri ri tempo mpoiri, sabana notingayo bagia tasi mpanau.

Suro-Suro 27:13

Tempona haitu, nompamula naole-olemo poiri neburu lako ri puluna. Haitu sampe nisarumaka nu anabua kapala da mamala kami mapola hau ri pesampo Feniks. Jadi nianggatakaramo talonto kapala, bo kapala nolipa nomparinjoso ri talinti levuto Kreta.

Suro-Suro 27:21

Bara sako-mbongi kasaena, tona riara kapala haitu ledo nangande. Jadi neanggamo i Paulus ri tatangara bo nanguli, “Sampesuvu-sampesuvu! Ane nioseakamiu tesaku bara ipia nanguli nee rapalaikata levuto Kreta, ledo mandasa kita bo ledo marugi ivehitu!

Suro-Suro 27:7

Bara sako-mbongipa kasaena, kapala haitu aga nompaente nolipa. Nandasa mpuu kami. Nasae pade nakava ri pesampo Knidus. Lako ri sia, domo nipakule kami nompapola polipa kami nantuntuni nia pamulana, sabana peburu mpoiri dopa nabelo. Jadi kapala kami nombaliunaka Uju Salmone hau nomparinjoso ri bivi ntalinti levuto Kreta ri bagia puluna, ala ledo mambela poiri narimboso gaga.

1 Korintus 11:34

Ane maria tona naara taina, agina ia mangande ntani ruru lako ri banuana mboto. Nee sampe masiromu mosanggani-nggani bo aga rapambela pehuku nu Alatala. Bo ane yaku tou nte komiu ngena, damo kupakasiayu parakara-parakara ntanina.

1 Korintus 14:40

Tapi pura-pura anu rapoviamiu kana masipato bo masiayu.

1 Korintus 4:17

Kutudu i Timotius tou nte komiu mombatulungi komiu mompasiala pokaingguku. Ia topomparasaya i Pue, bo ia mpo anaku mboto anu nipotoveku, bo ia namala raparasaya. Ia mompopatora ka komiu pokaingguku nangoseaka i Yesus Kristus, nasimbayu mpo nipatudukiku ka pura-pura topomparasaya i Yesus ri umba-umba ngata.

Kolose 2:5

Sabana nau yaku nakavao lako nte komiu, riara ntaiku yaku naria ri situ nte komiu. Bo nadamba mpuu raraku nangepe komiu nosangu rara bo ledo nolengga-lengga nomparasaya i Kristus.

1 Timotius 1:3

Kuperapi iko maboli ri ngata Efesus, mpo niuliku ka iko bara ipia tempo yaku nalai hau ri propinsi Makedonia. Apa ri situ naria bara sako-ndua tona nompatolele pepatuduki nasala, bo iko kana mombatagi ira ala domo rapatolelera pepatuduki haitu.

2 Timotius 2:2

Niepemumo pepatudukiku bo nadea tona ntanina nangepe bo nosabikina muni. Jadi pepatuduki haitu kana mupatuduki ka tona anu namala raparasaya bo anu nompakule mompatuduki tona ntanina.

Titus 1:12

Naria saito nabi lako nte toKreta mboto nanguli ivei: “ToKreta bate-batena topodava. Ira nasimbayu kadaana nte binata nasoa; ira nadoko bo namau.”