Titus 1:4 - Kaili Ledo

⁴ Titus, iko mpuu-mpuu mpo anaku mboto, apa kita sampomparasaya. Kuperapi Tuamata Alatala bo i Yesus Kristus, Topompakasalama kita, mombadekei belo bo katinonto ka iko.

Titus 1:4 ပူးပေါင်းရင်းမြစ်များ

Lukas 2:11

Bongina hitu ri ngata pompoanaka Magau Daud, nipoanakamo saito magau mompakasalama komiu. Iamo i Pue, anu nipelisi nu Alatala.

Yohanes 4:42

Naupu sia, niulikara mombine haitu, “Sii-sii niparasaya kami mpuumo, ledo aga lako ri tesamu tapi niepe kami mbotomo tesaNa. Bo nisani kamimo Ia mpuu-mpuu Magau Topompakasalama manusia.”

Roma 1:12

Patujuku ala yaku muni rapakaroso sabana pomparasayamiu, jadi kita mpasanggani-nggani mosipakaroso rara.

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

2 Korintus 12:18

Nituduku i Titus tou nte komiu bara ipia nosanggani-nggani ante sampesuvuta ntanina. Nariamo i Titus nombaakalani komiu? Natantu ledo! Nisanimiu mbotomo kami randua nosangu rara bo pokainggu kami nasimbayu.

2 Korintus 2:13

Tapi ledo natinda raraku sabana ledo niposinggavakuka sampesuvuta i Titus hamai, anu manggeni kareba lako nte komiu. Haitumo sabana yaku nopalakanamo nte toTroas, bo napola hau ri propinsi Makedonia.

2 Korintus 4:13

Riara Buku Gasa nitulisi ivei: “Yaku nomparasaya, bo haitu sampe nabia yaku notesa.” Ivesia muni kami. Kami nomparasaya Alatala sampe kami nabia notesa ka tona.

2 Korintus 7:6

Tapi Alatala nompakaroso rara ntona naupu rarana, bo nipakarosoNa rara kami muni ante kakava i Titus.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

2 Korintus 8:23

I Titus hii roaku sampokarajaa mantulungi komiu. Bo randua sampesuvuta ntanina anu momporoa ia, nisuro ntodea topomparasaya, bo nadea mpuu tona nombabila bo nombatoiya i Kristus sabana katuvu nu sampesuvuta randua haitu.

2 Korintus 8:6

Jadi kami nerapi nte i Titus ala ia manjili tou nte komiu. Iamo anu nompamula bago nompasiromu doi petulungi haitu nte komiu bara ipia. Jadi haitumo sabana ia nitudu kami mompapola pokarajaa nabelo haitu.

Galatia 2:3

Tano ira nasituju nte pepatudukiku. Haitu nisaniku sabana i Titus, toYunani anu nosanggani ante yaku hamai, ledo nipasuura rasuna.

Galatia 3:26

Jadi, komiu pura-pura nosangu rara nte i Yesus Kristus, komiu najadi ana-ana nu Alatala sabana komiu nomparasaya i Kristus.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Efesus 1:2

Kuperapi Tuamata Alatala bo i Yesus Kristus bate-batena mabelo nte komiu bo mompakatinonto raramiu.

1 Timotius 1:12

Yaku notarima kasi nte Tuputa Yesus Kristus sabana nipekiriNa yaku namala raparasaya mompatolele Kareba Belo, bo nidekeiNa kuasa ka yaku ala kupakule mombatui pokarajaa haitu.

2 Timotius 1:1

Timotius, iko nipotoveku mpo anaku mboto: Sura hitu lako nte yaku, i Paulus. Nangoseaka dota nu Alatala, yaku nianggatakaNa majadi suro i Yesus Kristus ala mompatolele kareba anu nantesa katuvu mabelo sampe ri kasae-saena anu nijanji nu Alatala. Kita nanggava katuvu nabelo haitu sabana kita nosangu rara nte i Yesus Kristus. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

Titus 1:3

Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.

2 Petrus 1:11

bo Alatala mboto mantarima komiu ante mabelo riara Poparenta anu naroo sampe ri kasae-saena, haitumo Poparenta nTuputa Yesus Kristus, Topompakasalama kita.

2 Petrus 2:20

Mandasa mpuumo ira! Apa bara ipia ira mpuu-mpuu nosisani nte Tuputa Yesus, Topompakasalama kita, sampe ira nikabasakamo lako ri pokainggu nadaa anu nompakagero manusia ri dunia hitu. Tapi naupu sia, ira nipemala bo nikuasai nu pokainggu-pokainggu nadaa haitu mpanjili. Kaupuna, nelabipa kandasa katuvura pade ri pamulana.

2 Petrus 3:18

Tapi komiu kana mantambai mosisani belo ante Tuputa Yesus Kristus, Topepakasalama, bo mantambai mombarasai kabelo raraNa riara nggatuvumiu. Iamo masipato ratoiyata bo rabilata, sii-sii bo sampe ri kasae-saena. Amin. Tabe lako nte yaku, Petrus

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

1 Yohanes 5:14

Ledo nakaja rarata nosambaya ka Alatala, apa nisanita Ia mompetalingai perapita, asaa perapita nangoseaka dotaNa.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.