Titus 1:14 - Kaili Ledo

¹⁴ Ulika ira tumo raparasayara tutura-tutura ntoYahudi anu nikarara mboto, bo nee mangoseaka atura-atura nipovia manusia anu nombasapuaka pepatuduki nakana.

Titus 1:14 ပူးပေါင်းရင်းမြစ်များ

Matius 15:9

Ledo ntoto ria gunana ira mombasomba Yaku sabana pepatuduki anu nipepatudukikara niulira Atura-aturaKu, tano aga ada-ada nu manusia.’ ” Yesaya 29:13

Markus 7:7

Ledo ntoto ria gunana ira mombasomba Yaku sabana pepatuduki nipepatudukikara niulira atura-aturaKu tano aga ada-ada nu manusia.> Yesaya 29:13

Galatia 4:9

Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

Kolose 2:22

Atura-atura ivehaitu ledo ria gunana ka kita sabana atura haitu aga notesa kandea bo anu nipake sampalai bo nalipo. Kakanana atura-atura haitu aga nopuna lako ri parenta-parenta bo pepatuduki manusia.

2 Timotius 4:4

Ira mombaramu talingara ala domo raepera pepatuduki nu Alatala anu nakana, bo ira aga mompataa talingara mangepe tesa-tesa ledo nakana anu nipovia nu manusia.

Titus 3:11

Nisanimu tona ivehaitu nadaa pekirina bo nadosa. Dosana mboto nompakalanto ia masipato rahuku.

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

2 Petrus 2:22

Anu najadi nte ira nasimbayu nte porapa nanguli ivei: “Asu nekubu, nikandena mpanjili,” bo “Bavu dako nandiu notampo mpanjili.”