Titus 1:11 - Kaili Ledo

¹¹ Tona ivehaitu kana ratagi, nee mpuu mudekei ira mompatuduki! Apa nadea pobanua ntona naingu nangepe pepatudukira anu ledo masipato. Patujura mompatuduki aga manggava doi ante akala ledo nabelo.

Titus 1:11 ပူးပေါင်းရင်းမြစ်များ

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Lukas 20:40

Jadi domo nabia ira nekutana hanupa nte i Yesus.

Yohanes 10:12

Tona nigaji anu ledo topoevu bimba bo ledo muni tupu nu bimba, ane rakitana asulaku makava mombaraga bimba-bimba, aga rapalaikana bimba-bimba haitu apa ledo bimbana mboto. Jadi bimba haitu raraga bo rasaka nu asulaku sampe masimpotare.

Roma 3:19

Jadi lako ri tesa ri Buku Gasa, nisanita ledo ria manusia nanoa. Nisanitamo pura-pura anu nitulisi riara Atura agama nambela ka toYahudi anu natundu ri Atura haitu. Jadi ledo ria saitoa tona namala manguli karona mboto nanoa. Pura-pura manusia masipato rapambela pehuku nu Alatala.

2 Korintus 11:10

Ledo ria saitoa ri propinsi Akhaya mamala nombatagi yaku mantoiya pokaingguku haitu! Pepatuduki i Kristus anu naria riara ntaiku nakana. Ivesia muni tesaku hitu nakana!

1 Timotius 5:13

Ledo aga haitu, timbala namuda bara aga majadi tosanda bo aga manjayo-njayo mompene ri sou ntona. Ia ledo aga majadi tosanda ia muni manggeni tesa bo mombagalo urusa ntona ntanina bo motesa mpengaya-ngaya anu nadaa anu ledo masipato ratesa.

1 Timotius 5:4

Tapi ane maria anana bara tupuna, ira haitumo masipato rapatuduki mokolu mantulungi totuara mboto bo mombabalasi kabelo ntotuara. Haitumo pokainggu nabelo anu nompakadamba rara nu Alatala.

1 Timotius 6:5

bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.

2 Timotius 2:18

Ira nasalandalamo lako ri pepatuduki nakana bo aga nompakagero pomparasaya ntona. Niulira naliumo pompakatuvu mpanjili tona namate. Pepatudukira haitu ledo ntoto nakana.

2 Timotius 3:6

Sanu ira nanggeni pepatuduki ledo nakana hau ri banua ntona, bo niopara mombine-mombine nadoyo anu nadea dosara bo nikuasai mpengaya dota rara nadaa.

Titus 1:7

Pakeni ntopomparasaya haitu topompasiayu todea nu Alatala. Jadi ia ledo novia pokainggu rasalai ntona. Ia ledo tona nalanga pekirina bara nasalisa narau, ledo topanginu, ledo toposibaga, bo ledo muni tona nadoko doi.

Titus 1:9

Ia kana maroo manggangisi pepatuduki nakana anu nipatudukita ka ia, apa pepatuduki haitu namala raparasaya. Ivesiamo rapakulena mompangajari topomparasaya mangoseaka pepatuduki nakana haitu, bo rapakulena muni mompopaisani sala ntona anu nombasapuaka pepatuduki haitu.

Titus 3:10

Ane maria tona nompoposibali todea topomparasaya, kana musalaraka ia sanggani, bara ronggani. Ane rongganimo ia nisalarakamu bo ledo nepangala, tumo mosimporoa nte ia.