Suro-Suro 9:41 - Kaili Ledo

⁴¹ Bo i Petrus nanggangisi palena nantulungi ia meangga. Naupu sia i Petrus nompokio timbala-timbala pangane bo topomparasaya ri sia bo niulikana ira, “Siimo roamiu, natuvu mpanjilimo ia.”

Suro-Suro 9:41 ပူးပေါင်းရင်းမြစ်များ

Markus 1:31

Jadi haumo i Yesus nanggaparai totua mombine haitu. NikingisiNa pale nu mombine bo nitulungiNa ia membangu. Kaliu-liu nabelomo ia, bo hau nombakadambanaka ira.

Lukas 7:12

Tempo i Yesus napara ri bobaa mesua rangata, nikitaNamo topokova tomate nesuvu lako riara ngata haitu. Tomate haitu ngana langgai, saito-itona ana ntimbala. Nadea muni tona lako ri ngata haitu nomporoa timbala haitu.

Lukas 7:15

Pade nembangu mpuumo tomate haitu. Ia nonturo bo nompamulamo notesa. Naupu haitu i Yesus nangulika tinana, “Siimo anamu, Ina.”

Suro-Suro 20:12

Kabilasa namate nanavu haitu, natuvumo bo nikeni nu roana manjili ri banuana, bo nadamba mpuumo rarara pura-pura.

Suro-Suro 3:7

Pade nikangisi i Petrusmo pale nggana ntopunggu, bo nitulungina ia meangga. Kaliu-liu narosomo kadana ante buku dalina.

Suro-Suro 6:1

Kasae-sae kadea-dea topangoseaka i Yesus. Tempo haitu topangoseaka i Yesus deanapa toYahudi. Sanu ira nobasa Yunani, bo sanu nobasa basara mboto. Tempo haitu topobasa Yunani ledo nadamba nte topobasa Yahudi. Topobasa Yunani nanguli, “Timbala-timbala kami ledo nanggava doi balanja eo-eo mpo anu nipalele ka timbala-timbala ntanina.”

Suro-Suro 9:13

Nesanamo i Ananias, “Pue, niepeku nadea tona notesa i Saulus haitu. Niulira nadea mpuu todeaMiu nipandasana ri ngata Yerusalem

Suro-Suro 9:32

I Petrus hau ri umba-umba nompelioda todea nu Alatala. Naria sanggani ia nesai ri ngata Lida.

1 Timotius 5:3

Bilamo bo tulungimo timbala-timbala anu mpuu-mpuu ledo ria tona nompeili ira.

1 Timotius 5:5

Timbala anu mpuu-mpuu natuvu saitona bo ledo mpuu naria isema-sema mompiarana, aga natuvu manjarumaka Alatala. Eo bongi ia nosambaya njuu nerapi tulungi nte Ia.