Suro-Suro 9:39 - Kaili Ledo

³⁹ Nangepe tesa ntona randua haitu, haumo i Petrus nantuntuni ira hau ri ngata Yope. Nakava ri sia, ia nikeni hau ri tombi ri kalangana haitu. Pura-pura timbala notumangi nantagui i Petrus bo nipopakitara ka ia baju-baju bo pakea nidau i Tabita ka ira tempo ia da natuvu.

Suro-Suro 9:39 ပူးပေါင်းရင်းမြစ်များ

Matius 17:17

Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”

Matius 26:11

Apa tona napakasi bate-batena maria ri tatangamiu, tapi Yaku ledo.

Markus 14:8

Mombine hitu novia anu nipakulena. Ia nombatoli lana dupa ka Yaku mompakasadia karoKu ratana.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 12:8

Tona napakasi bate-batena maria ri tatangamiu, tapi Yaku ledo.”

Yohanes 17:12

Tempo Yaku da nosanggani-nggani ante ira, Yakumo nombajagai ira ante kuasaMiu, haitumo kuasa nidekeiMiu ka Yaku. NijagaiKu anaguruKu sampe ledo ria saitoa ira nalipo, aga ia anu masipato rapopogaa lako nte Komiu sampe ri kasae-saena ala madupa anu nitulisi riara Buku Gasa.

Suro-Suro 1:13

Nakava ri Yerusalem, hau ira ri banua ponturora bo nompene ri tombi kalangana. Sanga nu suro-suro haitu iamo: i Petrus, i Yohanes, i Yakobus, i Andreas, i Filipus, i Tomas, i Bartolomeus, i Matius, i Yakobus ana Alfeus, i Simon Zelot topangeva pomarenta, bo i Yudas ana Yakobus.

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Suro-Suro 6:1

Kasae-sae kadea-dea topangoseaka i Yesus. Tempo haitu topangoseaka i Yesus deanapa toYahudi. Sanu ira nobasa Yunani, bo sanu nobasa basara mboto. Tempo haitu topobasa Yunani ledo nadamba nte topobasa Yahudi. Topobasa Yunani nanguli, “Timbala-timbala kami ledo nanggava doi balanja eo-eo mpo anu nipalele ka timbala-timbala ntanina.”

Suro-Suro 8:2

Tona natundu nte Alatala nombatana i Stefanus ri dayo, bo nombatangisi ia ante nasusa mpuu rarara.

Suro-Suro 9:41

Bo i Petrus nanggangisi palena nantulungi ia meangga. Naupu sia i Petrus nompokio timbala-timbala pangane bo topomparasaya ri sia bo niulikana ira, “Siimo roamiu, natuvu mpanjilimo ia.”

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.

1 Timotius 5:3

Bilamo bo tulungimo timbala-timbala anu mpuu-mpuu ledo ria tona nompeili ira.

1 Timotius 5:5

Timbala anu mpuu-mpuu natuvu saitona bo ledo mpuu naria isema-sema mompiarana, aga natuvu manjarumaka Alatala. Eo bongi ia nosambaya njuu nerapi tulungi nte Ia.

1 Yohanes 3:18

Sampesuvu-sampesuvu nipotoveku, nee aga mompotove sampesuvuta sampomparasaya ri sumba. Kita kana mompotove mpuu bo kita kana mompopakita tove haitu ante pokainggu nabelo.