Suro-Suro 9:30 - Kaili Ledo

³⁰ Topomparasaya ntanina niepera i Saulus rapatesi, jadi nikeniramo ia notua hau ri ngata Kaisarea bo nitudura hau manjili ri ngata Tarsus, ngatana mboto.

Suro-Suro 9:30 ပူးပေါင်းရင်းမြစ်များ

Matius 10:23

Ane komiu rapandasa ntona ri sangu ngata, palaimo hau ri ngata ntanina. Pariaramo tesaKu hitu. Yaku, Ana nu Manusia kana makava mpanjili dopame maupu rakenimiu Kareba Belo ka pura-pura ngata ri tana Israel.

Matius 16:13

I Yesus bo anaguruNa hau ri bagia napara ngata Kaisarea Filipi. Nakava hamai, i Yesus nompekutana anaguruNa, “Nangoseaka panggava ntodea, isema Yaku, Ana nu Manusia?”

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

Suro-Suro 11:25

Naupu haitu i Barnabas hau ri ngata Tarsus mangelo i Saulus.

Suro-Suro 17:10

Bongina haitu topomparasaya ri ngata Tesalonika nantudu i Paulus bo i Silas hau ri ngata Berea. Nakava sumai, hau ira nesua ri banua petupu ntoYahudi.

Suro-Suro 17:15

Tona nanggeni i Paulus, nomporoa ia sampe nakava ri ngata Atena. Naupu sia nanjilimo ira hau ri ngata Berea, nanggeni petevai i Paulus ka i Silas bo i Timotius ala ira masalisa mombatuntuni ia hau ri ngata Atena.

Suro-Suro 28:14

Ri sia kami nosintomu ante bara sako-ndua sampesuvu sampomparasaya, bo nikenira kami hau monturo ante ira pitu-mbongi kasaena. Naupu haitu, napolamo kami hau ri ngata Roma.

Suro-Suro 8:40

Ledo nisani-sani, nariamo i Filipus ri ngata Asdod. Nipapolana polipana bo nipatolelena Kareba Belo i Yesus ka todea ri pura-pura ngata sampe nakava ri ngata Kaisarea.

Suro-Suro 9:11

I Pue nanguli, “Koimo hau ri dala nosanga Dala Noa. Elomo ri sia saito tona lako ri ngata Tarsus nosanga i Saulus. Hitu-hitu ia nosambaya.

Galatia 1:21

Naupu haitu pade hau yaku ri bagia Siria bo Kilikia.