Suro-Suro 9:28 - Kaili Ledo

²⁸ Nangepe tesa i Barnabas, nitarima nu suro-suromo i Saulus monturo singgani nte ira. Naupu sia, i Saulus nompatolele kareba i Pue Yesus ri njumangu ngata Yerusalem bo ledo ria eka nu rarana.

Suro-Suro 9:28 ပူးပေါင်းရင်းမြစ်များ

Yohanes 10:9

Yakumo hii bobaa. Isema-sema mesua modala nte Yaku rapakasalama. Ia mamala mesua bo mesuvu manggava kandea.

Suro-Suro 1:21

Bo i Petrus nompapola tesana ivei: “Sampesuvu-sampesuvu, haitumo sampe kita kana mompelisi saito tona lako nte kita mboto, ala ia mosanggani-nggani nte kita mompatolele kareba i Pue Yesus natuvu mpanjili lako ri kamateNa. Tona rapelisita haitu kana lako ri kita samporoa anu nangoseaka i Pue Yesus ri umba-umba nikalauNa bara ipia, lako ri tempo i Yohanes nompamula nombadiu tona, sampe i Yesus neore hau ri suruga.”

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Suro-Suro 4:29

Pue, epemo tesara nomparangga kami. Kami batuaMiu, bo kami merapi tulungi nte Komiu ala kami ledo maeka mompatolele tesaMiu.

Suro-Suro 9:29

Bo nitesana muni ka toYahudi anu nobasa Yunani bo nosinjanai nte ira. Tapi ira aga nompasimbuku mompatesi ia.

Galatia 1:18

Naliu talu-mpae pade hau ri ngata Yerusalem mosinggava nte i Petrus. Yaku nonturo nte ia aga sapulu lima-mbongi kasaena.