Suro-Suro 9:26 - Kaili Ledo

²⁶ I Saulus nalai lako ri ngata Damsyik hau ri ngata Yerusalem. Ri sia ia nompasimbuku mosanggani nte topangoseaka i Yesus. Tapi ira da naeka nte ia. Dopa niparasayara ia mpuu-mpuu topangoseaka i Yesus.

Suro-Suro 9:26 ပူးပေါင်းရင်းမြစ်များ

Matius 24:10

Bo madea topangoseaka Yaku moura pomparasayara, bo mosipobalu ntali roara sampomparasaya, bo mosipovuu matamo ira.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Suro-Suro 4:23

Naupu i Petrus bo Yohanes nikabasaka, nanjilimo ira hau ri ponturo nu roara. Nakava ri sia, nitesara ka roara pura-pura anu niuli ntopolibu ka ira, haitumo balengga-balengga ntopanggeni pesomba bo pakeni-pakeni ntoYahudi ntanina.

Suro-Suro 9:19

Naupu nidiu, nangandemo ia bo naroso mpanjili bukuna. Naupu haitu, i Saulus nonturo nte topangoseaka i Yesus ri ngata Damsyik bara sako-mbongi kasaena.

Suro-Suro 9:25

Jadi naria sambongi topangoseaka i Saulus nombadika i Saulus riara karanji mbaso, bo niulura ia lako ri bavo nu tembo ngata haitu hau ri savaliku nu ngata, ala mamala malai lako ri tona madota mompatesi ia.

Galatia 2:4

Tapi naria tona ntanina madota mompasuu i Titus rasuna, nangoseaka atura agama Yahudi. Panguli ntona haitu, ira topomparasaya i Kristus, tano aga davara. Ira nesua nggalino-lino ri kasiromu kami bo nomata-matai kami. Patujura ala pura-pura topomparasaya matundu nte atura-atura agama Yahudi. Tapi kita ledo paraluu matundu nte atura-atura haitu ala majadi manoa ri panggita nu Alatala. Kita nikabasaka lako ri atura haitu sabana kita nosangu rara ante i Yesus Kristus.