Suro-Suro 9:25 - Kaili Ledo

²⁵ Jadi naria sambongi topangoseaka i Saulus nombadika i Saulus riara karanji mbaso, bo niulura ia lako ri bavo nu tembo ngata haitu hau ri savaliku nu ngata, ala mamala malai lako ri tona madota mompatesi ia.

Suro-Suro 9:25 ပူးပေါင်းရင်းမြစ်များ

Matius 15:37

Pura-pura tona haitu nangande sampe nabosu. Naupu ira nangande, anaguru i Yesus nompasiromu labina nikande ntodea pangane, pitu-tonda ponupa kadeana.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Suro-Suro 9:24

Eo bongi ira nompopea nojaga ri bobaa-bobaa ri tembo nu ngata haitu. Ane mesuvu ia, rapatesira. Tapi niara haitu nisani i Saulus.

Suro-Suro 9:26

I Saulus nalai lako ri ngata Damsyik hau ri ngata Yerusalem. Ri sia ia nompasimbuku mosanggani nte topangoseaka i Yesus. Tapi ira da naeka nte ia. Dopa niparasayara ia mpuu-mpuu topangoseaka i Yesus.

2 Korintus 11:33

Tapi roaku nantulungi yaku malai. Niulurakara yaku riara karanji lako ri bolo ri tembo ngata hau ri savalikuna. Bo ivesiamo yaku nakabasaka lako ri kuasa nu gubernur haitu.