Suro-Suro 9:22 - Kaili Ledo

²² Tapi nasae-sae nantambai-mbai karoso i Saulus nompatuduki tona. Ia mpuu-mpuu natau nompakalanto ka ira, i Yesusmo Magau Topepakasalama anu nijanji nu Alatala, sampe toYahudi nonturo ri ngata Damsyik domo nipakulera nombabali tesana.

Suro-Suro 9:22 ပူးပေါင်းရင်းမြစ်များ

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 28:23

Jadi nipakatantura eo rakasiromura ante i Paulus. Nanggavapa eo niovora, nadea tona nakava nasiromu ri banua i Paulus. Lako ri mpadondona sampe nggoviana i Paulus nombatesa Poparenta nu Alatala ka ira bo nombatentei pepatuduki i Yesus. Nibacana lako ri Buku Atura Agama nitulisi Nabi Musa bo Buku Nabi-nabi ntanina, ala rasanira tesana nakana bo raparasayara i Yesus mpuu-mpuu Magau Topepakasalama.

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

Suro-Suro 9:21

Nokumaa pura tona nangepe i Saulus. Niulira, “Berimba tano tona hitu? Ledo ia hitu nompatesi topangoseaka i Yesus ri ngata Yerusalem? Bo tumai munimo ia ante patujuna mombasaka topangoseaka i Yesus ri sii bo manggeni ira ratangara ri ngayo balengga-balengga ntopanggeni pesomba!”

Suro-Suro 9:23

Bara sakuya kasaena kaliuna haitu, toYahudi nasintuvu mompatesi i Saulus.

Suro-Suro 9:27

Jadi i Barnabas hau nombatulungi i Saulus. Nikenina ia hau motesa nte suro-suro. I Barnabas notesa ka ira berimba i Saulus nanggita i Pue Yesus ri tatanga nu dala, bo i Pue notesa ka ia. Nitesana muni kabia i Saulus nompatolele kareba i Yesus ka tona ri ngata Damsyik.

1 Korintus 1:27

Tapi Alatala nompelisi tona nireke nadoyo ri panggita ntona ri dunia, ala tona natau maeya matara. NipelisiNa tona ledo nakuasa ri panggita ntona ri dunia, ala tona nakuasa maeya matara.

Galatia 1:18

Naliu talu-mpae pade hau ri ngata Yerusalem mosinggava nte i Petrus. Yaku nonturo nte ia aga sapulu lima-mbongi kasaena.

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

1 Timotius 1:12

Yaku notarima kasi nte Tuputa Yesus Kristus sabana nipekiriNa yaku namala raparasaya mompatolele Kareba Belo, bo nidekeiNa kuasa ka yaku ala kupakule mombatui pokarajaa haitu.