Suro-Suro 9:2 - Kaili Ledo

² bo nerapi sura kuasa rakenikana ka pakeni agama ri banua petupu ntoYahudi ri ngata Damsyik. Patujuna, ane rakavana topangoseaka Pepatuduki i Yesus, bara langgai bara mombine, rasakana bo rakenina hau ratangara ri ngata Yerusalem.

Suro-Suro 9:2 ပူးပေါင်းရင်းမြစ်များ

Matius 10:17

Komiu kana mainga apa komiu rasaka ntona bo rakeni rapangadu ri ngayo ntopotangara. Bo komiu raboba riara banua-banua petupu.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Suro-Suro 18:25

Ia nipatuduki ntona sampe nisanina tesa i Pue Yesus. Jadi tempo ia nakava ri ngata Efesus, nitesana kareba i Yesus ante mpuu-mpuu rarana bo nambela mpuu tesana, nau dopa nisanina pura-pura pepatuduki i Yesus. Aga pombadiu i Yohanes Topediu nisanina.

Suro-Suro 19:23

Ri tempo haitu, neumbamo kagado mbaso ri ngata Efesus sabana ledo nipokonora pepatuduki i Pue Yesus.

Suro-Suro 19:9

Tapi bara sako-ndua ira nakaa bagara bo ledo nadota nomparasaya. Ira nanjalai nia nu Alatala ri ngayo ntodea, haitumo niaNa mompakasalama manusia sabana anu nipovia i Yesus. Haitumo sabana i Paulus nompalaisi ira, bo nikenina topangoseaka i Yesus hau ri sikola i Tiranus. Eo-eo ia nosinjula pekiri ante tona ri sia.

Suro-Suro 24:14

Tapi yaku kana mompangaku ri ngayomiu, yaku netupu nte Alatala nantuntuni pepatuduki i Yesus. Panguli ntoYahudi gahitu, pepatuduki haitu nasala. Tapi yaku bate-batena netupu nte Alatala anu nisomba ntotua kami nggaulu, bo nomparasaya pura-pura anu nitulisi riara Buku Atura Agama bo Buku Nabi-nabi.

Suro-Suro 24:22

Jadi Gubernur Feliks nompopenonto polibu haitu apa nisanina mami pepatuduki i Yesus. Niulina, “Kupakaupu parakara hitu ane mariamo Tadulako Lisias ri sii.”

Suro-Suro 26:10

Bo nipoviaku mami ivesia ri ngata Yerusalem. Balengga-balengga ntopanggeni pesomba nombadekei sura kuasa ka yaku bo nadea todea nu Alatala nisuarakaku riara ntarunggu. Ledo aga haitu, ane ira nihuku mate, nadamba raraku.

Suro-Suro 26:12

“Ivesia muni patujuku hau ri ngata Damsyik ante sura kuasa lako ri balengga-balengga ntopanggeni pesomba.

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Suro-Suro 7:19

Magau haitu nadaa mpuu nompandasa totua-totuata bo nombabagiu ira. Niparentana ala ngana-ngana dako nesuvu kana ratedakara ala mamate pura.

Suro-Suro 9:14

Sii-sii ia nakava muni ri sii, nidekei kuasa lako ri balengga-balengga ntopanggeni pesomba mombasaka pura-pura kami topomparasaya Komiu.”

Suro-Suro 9:21

Nokumaa pura tona nangepe i Saulus. Niulira, “Berimba tano tona hitu? Ledo ia hitu nompatesi topangoseaka i Yesus ri ngata Yerusalem? Bo tumai munimo ia ante patujuna mombasaka topangoseaka i Yesus ri sii bo manggeni ira ratangara ri ngayo balengga-balengga ntopanggeni pesomba!”

2 Korintus 11:32

Tempo yaku ri ngata Damsyik, gubernur anu nipakakuasa Magau Aretas, nantudu tantarana mombajaga bobaa mbaso ngata haitu mombasaka yaku.

Galatia 1:17

Yaku ledo muni kaliu-liu hau ri ngata Yerusalem manggita ira anu najadi suro i Yesus nokolupa pade yaku. Tapi yaku hau ri tana Arab, bo lako ri tana Arab nanjili vai hau ri ngata Damsyik.