Suro-Suro 9:19 - Kaili Ledo

¹⁹ Naupu nidiu, nangandemo ia bo naroso mpanjili bukuna. Naupu haitu, i Saulus nonturo nte topangoseaka i Yesus ri ngata Damsyik bara sako-mbongi kasaena.

Suro-Suro 9:19 ပူးပေါင်းရင်းမြစ်များ

Suro-Suro 11:26

Nosinggavapa ia ante i Saulus, haumo ira randua ri ngata Antiokhia. I Barnabas bo i Saulus nonturo sumai sampae kasaena. Ira nasaro nasiromu nosanggani-nggani nte todea topomparasaya bo nadea mpuu tona nipatudukira. Ri ngata Antiokhia haitumo topangoseaka i Yesus pamula-mulana niuli toKristen.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Suro-Suro 9:18

Naupu i Ananias notesa haitu, kaliu-liu nanavu anu eva ruke bau lako ri mata i Saulus sampe nekita mpanjilimo ia. Naupu haitu, nembangumo i Saulus bo nidiu, tandana niparasayanamo i Yesus.

Suro-Suro 9:26

I Saulus nalai lako ri ngata Damsyik hau ri ngata Yerusalem. Ri sia ia nompasimbuku mosanggani nte topangoseaka i Yesus. Tapi ira da naeka nte ia. Dopa niparasayara ia mpuu-mpuu topangoseaka i Yesus.

Suro-Suro 9:38

Topangoseaka i Yesus ri ngata Yope nangepe i Petrus naria ri ngata Lida. Bo ngata Yope ledo nakavao lako ri ngata Lida pangane. Sia sampe nitudura randua tona hau manguli petevai ka i Petrus ivei: “Kamai masalisa tumai ri ngata Yope.”

Galatia 1:17

Yaku ledo muni kaliu-liu hau ri ngata Yerusalem manggita ira anu najadi suro i Yesus nokolupa pade yaku. Tapi yaku hau ri tana Arab, bo lako ri tana Arab nanjili vai hau ri ngata Damsyik.